2 SAMUEL 20:6 - Dios Rimashcata Quillcashcami

⁶ Chaimantami jatun mandac Davidca Abisaitaca: —Bicripac churi Sebaca Absalonta atishpami llaquichinga. Chaimanta canca ñuca serviccunata tandachishpa, chai runata cati callari. Pacta maijan muyundita pircashca puebloman rishpa miticugrinman— nirca.

2 SAMUEL 20:6 ပူးပေါင်းရင်းမြစ်များ

2 SAMUEL 10:14

Siriocuna miticushpa callpacta ricushpami, Amón llacta runacunapish Abisaipac ñaupamanta callpashpa pueblopi yaicurca. Shina callpacpimi, Joabca Amón llacta runacunahuan mana macanacushpa Jerusalenman cutirca.

2 SAMUEL 11:11

Shina tapucpimi Uriasca: —Arcapish, Judá llacta runacunapish, israelcunapish carpa huasillapimi tiyacun. Ñucata mandac Joabpish, shinallatac can jatun mandacta servic caishuccunapish canzha carpa huasillapimi sueñuncuna. Chaita ricushca jahuaca imata ñucaca huasiman rishpa, alli micushpa, alli ubiashpa, huarmihuan sueñushpa cagrishayari. ¡Can jatun mandacpac causaimantapish, cambac almapac causaimantapish caitaca manatac ruhuashachu!— nirca.

2 SAMUEL 18:12

Shina nicpimi, chai runaca Joabtaca: —Can shuc huaranga ciclos cullquita ñuca maquipi churacpipish, jatun mandacpac churitaca mana huañuchishachu. Chaica jatun mandac cantapish, Abisaitapish, Itaitapish rimashpaca: “Absalón mosotaca ama llaquichinguichicchu” nictami uyarcanchic.

2 SAMUEL 18:2

Chai quipaca chai tucui gentecunamantami quimsapi chaupishca shuc parteta Joab mandachun, caishuc partetaca Sarviapac cari huahua Joabpac huauqui Abisai mandachun, cutin caishuc partetaca geteocupuramanta Itai mandachun churarca. Chai quipami paihuan cac gentecunataca: —Ñucallatacmi cancunahuanca macanacuiman risha— nirca.

2 SAMUEL 19:7

Cunanca, jatarishpa, canzhaman llucshishpa mana llaquihuan cashca shina canta serviccunahuan parlai. Can mana llucshicpica, cunan tutaca shuc runallapish mana canhuan saquiringachu. Chaitaca Mandac Diospac shutipimi nini. Chashna ruhuacpica, can huambramanta pacha llaquicunata charishcata yallimi llaquicunaca japinga» nirca.

2 SAMUEL 2:18

Sarviapac quimsa cari huahuacuna Joabpish, Abisaipish, Asaelpish chaipimi carca. Asaelca sacha taruga shina yallita callpacmi carca.

2 SAMUEL 21:17

Ashtahuanpish Sarviapac churi Abisaimi Davidta misashpa, chai runata chugrichishpa huañuchirca. Chaimantami Davidpac runacunaca paitaca: «Cunanmanta pacha ñucanchic-huan macanacungapacca ña mana llucshinguichu. Canta huañuchishpaca, israelcunapac mecha shinami huañushca canga» nirca.

2 SAMUEL 23:18

Chai quimsa chunga sinchi runacunata mandacca Sarviapac churi Joabpac huauqui Abisaimi carca. Paimi quimsa patsac runacunata lanzahuan huañuchirca. Chaimantami paica chai quimsa chunga sinchi runacuna shinallatac mai alli nishca carca.

2 SAMUEL 3:30

Joab, paipac huauqui Abisaimi Gabaón macanacuipi paicunapac huauqui Asaeltaca huañuchishcamanta Abnertaca huañuchirca.

2 SAMUEL 3:39

Cunanca, jatun mandac cachun aceitehuan cahuishca cashpapish irquiyashcami cani. Sarviapac huahuacunami ñucata atishpa ashtahuan sinchicuna. Paicuna mana allita ruhuashcamantaca Mandac Diosllatac mana allita ruhuashca shinallatac llaquichichun— nirca.

1 REYES 1:33

jatun mandacca: —Cunanca, cancunapac amo ñucata serviccunata tandachishpa, ñuca churi Salomontaca ñuca tiyarina mulapi tiyachishpa, Gihón yacu junduman pushaichic.

1 CRÓNICAS 11:20

Joabpac huauqui Abisaimi chai quimsa chunga runacunata mandac carca. Paimi quimsa patsac runacunata lanzahuan huañuchirca. Chaimantami paica chai quimsa chunga sinchi runacuna shinallatac mai alli nishca carca.

1 CRÓNICAS 18:12

Shinallatac Sarviapac cari huahua Abisaipish chunga pusac huaranga edomitacunatami Cachi Pambapi huañuchirca.

JEREMÍAS 8:14

Gentecunaca: «¿Imapactac caipi tiyacunchiclla? Mandac Diosca ñucanchicta huañuchicunmi. Chaimanta tandanacushpa, muyundita jatun pircashca llactaman yaicushpa, chaipi huañushunchic. Juchata ruhuashpami, Mandac Diosta piñachishcanchic. Chaimantami paica yacuta venenohuan chapushpa ubiachishca.

MARCOS 3:24

Llactata mandaccunapura macanacucpica, chai llactaca chingaringami.

1 SAMUEL 26:6

Davidca heteopuramanta Ahimelectapish, Sarviapac cari huahua Joabpac huauqui Abisaitapish tapushpaca: —¿Saúl sueñucuc carpa huasicunaman pitac ñucahuan risha ninguichic?— nirca. Shina nicpimi Abisaica: —Ñuca canhuan urai risha— nirca.