2 SAMUEL 20:21 - Dios Rimashcata Quillcashcami

²¹ Mana chaita ruhuangapacchu shamurcani, ashtahuanpish Efraín urcumanta Bicripac churi Sebami jatun mandac Davidhuan macanacungapac shayarirca. Paita japishpa, ñucaman cuichic. Paita cucpica, cai pueblomanta rishallami— nirca. Shina nicpimi, chai huarmica Joabtaca: —Riqui, paipac umataca cai pueblo jarcashca jahuamantami canzhaman shitasha— nirca.

2 SAMUEL 20:21 ပူးပေါင်းရင်းမြစ်များ

2 SAMUEL 20:1

Benjaminpac aillupuramanta Bicripac churi millaita ruhuac Sebami chaipi carca. Pai cornetapi tocashpa rimarishpaca: «¡Ñucanchicca Isaipac churi Davidmantaca ima ricunata, ima japinata mana charinchicchu! ¡Israelcuna cancunapac huasicunaman richiclla!» nirca.

2 SAMUEL 20:2

Chashnami israelcunaca jatun mandac Davidmanta raquirishpa, Bicripac churi Sebata catishpa rirca. Ashtahuanpish Judá gentecunaca Jordán yacumanta Jerusalén pueblomanca tucui shunguhuanmi jatun mandacta catirca.

2 SAMUEL 20:20

Chashna nicpimi Joabca: —¡Caita ruhuanamantaca Dios huacaichichun! Cai pueblota tucuchina, shinallatac chingachina yuyaica mana tiyanchu.

2 SAMUEL 23:18

Chai quimsa chunga sinchi runacunata mandacca Sarviapac churi Joabpac huauqui Abisaimi carca. Paimi quimsa patsac runacunata lanzahuan huañuchirca. Chaimantami paica chai quimsa chunga sinchi runacuna shinallatac mai alli nishca carca.

1 REYES 11:26

Shinallatac Sereda llactapi causacuc efrateopuramanta Natanpac churi Jeroboampish jatun mandac Salomonta llaquichi callarircami. Jeroboamca Salomonta servicmi carca. Paipac mamaca Zerúa viuda huarmimi carca.

2 REYES 10:7

Chai quillcata paicunapacman chayacpica, jatun mandacpac canchis chunga churicunatami umata pitircacuna. Chai umacunataca tazacunapi churashpami, Jezreel puebloman cacharca.

2 REYES 5:22

Shina tapucpimi Giezica: —Allillami cani. Shina cacpipish, ñucata mandacmi: “Efraín urcumantami Dios ima nishcata huillaccunapac ishcai churi ñucapacman cunanlla chayamun. Paicunaman carangapacmi shuc talento cullquita, ishcai mushuc churanata cui” nichun cachan— nirca.

JEREMÍAS 4:15

Dan llactamanta, Efraín urcumantami llaqui tiyashcataca huillangapac shamucun.

JEREMÍAS 50:19

Israelcunataca paicunapac llactamanmi cutichimusha. Chashna cutichimucpimi, ñuca ovejacunaca Carmelo, Basán, Efraín, Galaad urcucunapi alli micushpa huirayanga.

JOSUÉ 24:33

Shinallatac Aaronpac churi Eleazar curapish huañurcami. Paitaca paipac churi Fineespac allpa lomapimi enterrarca. Chai allpaca Efraín urcupimi carca.

JUECES 2:9

Paitaca Timnat-sera nishca Gaas urcumanta jahuaman cac Efraín urcupimi paipac allpapi enterrarcacuna.

JUECES 7:24

Chaimantami Gedeonca tucui Efrainpac urcu llactapi huillachun cachashpaca: «Madianitacunahuan tupac shamuichic. Paicuna Jordán yacu lado pambacunata Bet-bara pushtucaman manarac chayacpi japichic» nichun cacharca. Chashna tandanacushpami Efraín aillucunaca Jordán yacu lado pambacunataca Bet-bara pushtucaman japirca.

JUECES 9:55

Abimelec huañushcata israelcuna ricushpaca paicunapac quiquin huasicunaman cutircacunallami.

1 SAMUEL 24:6

Chaimantami paipac runacunataca: —Mandac Dios acllashpa aceitehuan cahuishca ñuca amota huañuchinamantaca Mandac Diosllatac jarcachun. Paica Mandac Diospaclla cachun aceitehuan cahuishca mandacmari— nirca.

1 SAMUEL 26:9

Shina nicpimi, Davidca Abisaitaca: —Ama huañuchichu. Mandac Dios acllashca jatun mandacta huañuchicpica, paipish llaquichingami— nirca.