2 SAMUEL 20:19 - Dios Rimashcata Quillcashcami

¹⁹ Ñucaca cushi causaita munac, israelcunata allita cazucmi cani. Ashtahuanpish canca tucui israelcunapac mama shina pueblotami tucuchisha ningui. ¿Ima nishpatac Mandac Dios cushca pueblotaca tucuchisha ningui?— nirca.

2 SAMUEL 20:19 ပူးပေါင်းရင်းမြစ်များ

GÉNESIS 18:23

Chaimantami Abraham cuchuyashpaca: —¿Allita ruhuaccunatapish, Diosta mana cazuccunahuan pactachu llaquichigringui?

2 SAMUEL 14:16

Ñucatapish, ñuca huahuatapish huañuchishpa Dios cushca llactamanta chingachisha nicuc runacunamanta misangami” yuyashpami shamurcani.

2 SAMUEL 17:16

Chaimanta Davidpacman pacalla huillaccunata cachashpaca: “Jatun mandactapish, cambac runacunatapish ama huañuchichunca ama cai shitashca pambapi pacarichu. Utcashpa Jordán yacuta pasashpa ri” nichun cachai» nirca.

2 SAMUEL 20:18

Shina nicpimi, chai huarmica cutinllatac rimashpaca: —Ñaupa punzhacunapica: “Imata yachasha nishpaca, Abel pueblopimi tapungapac rina” nicmi carca. Chashnami imatapish allichic carca.

2 SAMUEL 20:20

Chashna nicpimi Joabca: —¡Caita ruhuanamantaca Dios huacaichichun! Cai pueblota tucuchina, shinallatac chingachina yuyaica mana tiyanchu.

2 SAMUEL 21:3

David gabaonitacunata tapushpaca: —Mandac Dios cushca gentecunata cancuna bendiciachunca, cancunata llaquichishcamantaca ¿imatatac cancunamanca ruhuasha?— nirca.

1 REYES 8:53

Jatun Mandac Dioslla, ñucanchictaca tucui cai pachapi causacpuramantami cambac cachun acllarcangui. Chaitaca ñucanchic ñaupa taitacunata Egiptomanta llucshimushpa, canta servic Moisesman huillashca shinallatacmi, chashna ruhuarcangui» nirca.

SALMOS 106:5

Can acllashcacuna allita ruhuashcata ricungapac, cambac gentecuna cushicucpi cushicungapac, can cushcacunahuan cushicungapacmi chashnaca quishpichina cangui.

SALMOS 124:3

causactami tucuchinman carca. Paicunaca nina japiric shinami ñucanchic-huanca piñarirca.

SALMOS 33:12

¡Llactacunatapi causaccuna mai cushicuichicyari! ¡Cancunapac Diosca Mandac Diosmi!

SALMOS 78:71

Davidtaca cunanlla huacharishca ovejacunata michina pambamantami pai acllashca Jacobopac huahuacunata, paipaclla israelcunata michichun apamurca.

JEREMÍAS 51:34

Jerusalenpi causaccunaca: «Babilonia llactata jatun mandac Nabucodonosormi pandachirca. Ñutuchishpami micurca. Shinami chushaclla platota shina saquirca. Jatun manchana dragón shamushpami, huicsa jundata micuc shinami, ñucanchic charishca sumaccunataca tucuchirca. Chashna micushpaca ñucataca llucchishpami cacharca.

JEREMÍAS 51:44

Shinallatac: «Babilonia llactapi cac Bel diosta llaquichishpami, imata micushcatapish huicsamanta llucchisha. Shuctac llactacunaca paipacmanca mana ashtahuan shamungachu. ¡Babilonia llacta muyundi jatun pircaca urmashcami!

LAMENTACIONES 2:16

Tucui piñaccunami canta mana alli nishpa rimarca. Silbashpa, quirucuna canirishpaca: «¡Paitaca millpuc shinami tucuchircanchic! Ñucanchic munashca punzhaca chayamushcatacmi. Caitaca ricushcanchictacmi» ninacurca.

LAMENTACIONES 2:2

Mandac Diosca mana llaquishpami Jacobopac carpa huasicunata urmachirca. Yallita piñarishpami Judá llacta sinchi torrecunatapish urmachirca. Jatun mandactapish, shuctac mandaccunatapish, yangallata ruhuashpami pingaichirca.

LAMENTACIONES 2:5

Mandac Diosca piñac runa shinami, israelcunataca tucuchirca. Mandashpa tiyana huasicunatapish, macanacuna pircatapish urmachishpami, Judá llactapi causaccunataca yallita llaquichirca.

NÚMEROS 16:32

Chashna pascarishpami chai gentecunataca paicunapac familiandi, Coreta caticcunandi, paicunapac charishcacunandi millpurca.

NÚMEROS 26:10

Chaipimi allpa shimi pascarishpa paicunatapish, Coretapish tucui millpurca. Chaipi tandanacushca huañushcapish, nina japirishpa ishcai patsac pichca chunga gentecunata rupachishcapish shuctac gentecuna ama chashna millaita ruhuachun yuyachingapacmi carca.

1 CORINTIOS 15:54

Cai ismuclla cuerpo mana ismuclla cuerpo tucucpi, huañunalla cuerpo mana huañuna cuerpo tucucpica, Dios quillcachishcapi nishcami pactanga. Chaipica: «Huañuitaca atishpa chingachishcami.

2 CORINTIOS 5:4

Cai carpa huasi shina cuerpohuan causacushpaca, llaquihuanmi causacunchic. Lluchulla shinaca mana cashun ninchicchu, ashtahuanpish churanata churaric shinami, cai huañunalla cuerpotaca mushuc causaihuan chingachinata munanchic.

DEUTERONOMIO 20:10

Shuc llactapi macanacungapac chayashpaca cushi causaimanta parlashun ninguichic.

DEUTERONOMIO 32:9

Mandac Dios japinaca pai acllashcacunami. Pai japinaca Jacobomi.

1 TIMOTEO 2:2

jatun mandaccunamanta, llactatac mandaccunamanta, ñucanchic sumacta apanacushpa cangapacca, Diosta mañashpa causachunmi munani. Shina mañashpami Diosta cazushpa, imapipish alli nishca cashun.

JUECES 5:7

Israelpica uchilla llactacunapish jichushcami saquirirca. Chashnami ñuca Débora jataringacaman jichushca carca. Chashnami ñucaca Débora israelcunapac mama shina jataringacaman chashna carca.

1 SAMUEL 10:1

Chai quipami Samuelca pai charishca botellamanta aceiteta Saulpac umapi tallishpa muchashpaca: —Cantaca Mandac Diosmi pai acllashca israelcunata mandachun aceiteta tallishpa cahuirca.

1 SAMUEL 26:19

Jatun mandac ñuca amolla, canta servic ñuca rimashcata uyai. Mandac Diosllatac ñucata llaquichichun canta yuyachicushpaca, ofrendata chasquichun. Ashtahuanpish runacunalla yuyaita cucucpica, Mandac Diosllatac yallita llaquichichun. Paicunami Mandac Dios cushca llactata ama ñuca japichun: “¡Shuc dioscunata servingapac ri!” nirca.