2 SAMUEL 2:32 - Dios Rimashcata Quillcashcami

³² Asaeltaca Belén puebloman apashpami, paipac taita ruhuachishca sepulturapi enterrarca. Chai quipami Joabpish, paipac runacunapish tucui tuta purishpa, ña punzhayanata Hebrón pueblopi chayarca.

2 SAMUEL 2:32 ပူးပေါင်းရင်းမြစ်များ

GÉNESIS 47:29

Taita Israel chashna ña yuyac cashpa, pai huañuna punzha ña chayamucpi, paipac churi Joseta cayachishpaca: —Cambac ñahuipi ñuca alli ricurishca cacpi, can ñucata cuyashpaca, cambac maquita ñucapac changa jahuapi churashpa, ñuca mañashcata pactachingapac ari ni. Ñuca huañucpica, amatac cai Egiptopi enterranguichu.

GÉNESIS 47:30

Ñuca huañucpica, ñuca taitacuna maipi enterrashcapi enterrangapac ñuca cuerpotaca cai Egiptomanta llucchishpa apanguichic. Chashna apashpaca paicunata enterrashca allpallapitac enterrangui— nirca. Shina nicpimi Joseca: —Ari, can nishca shinallatacmi ruhuasha— nirca.

2 SAMUEL 2:31

Ashtahuanpish Davidta serviccunaca Benjaminpac aillumanta Abnerpac runacunataca quimsa patsac sucta chungatami huañuchishca carca.

2 SAMUEL 5:1

Chai quipami tucui Israel aillucuna Hebrón pueblopi Davidpacman chayashpaca: «Ñucanchicca cambac aicha, cambac tullullatacmi canchic.

2 CRÓNICAS 16:14

Pai huañucpica, Davidpac pueblopi paita enterrachun, paillatac ruhuachishca jutcupimi enterrarca. Paita churashca ataudpica chican chican mishquilla ashnacuccunatami jundachirca. Chai jambicunaca mishquilla ashnacucta ruhuanata alli yachaccuna ruhuashcami carca. Chai quipaca paita yuyarishpami, achca ninata japichircacuna.

2 CRÓNICAS 21:1

Josafat huañushpa paipac ñaupa taitacunahuan tandanacugricpica, chai taitacunata enterrashca ladollapitacmi Davidpac pueblopi enterrarca. Paipac randica paipac churi Jorammi mandai callarirca.

PROVERBIOS 22:29

¿Ima ruhuanatapish alli yachac runata maipi ricushcanguichu? Paica jatun mandaccunapac ñaupapimi servinga. Yanga gentecunataca mana servingachu.

JUECES 8:32

Joaspac churi Gedeonca sumacta yuyacyashpa huañucpimi, abiezeritacunapac pueblopi taita Joás enterrashcapi enterrarca.

1 SAMUEL 17:58

Chaipimi Saulca: —¿Canca pipac churitac cangui?— nishpa tapurca. Shina tapucpi Davidca: —Ñucaca Belén pueblomanta canta servic Isaipac churimi cani— nirca.