2 SAMUEL 2:27 - Dios Rimashcata Quillcashcami

²⁷ Shina nicpimi Joabca: —¡Dios causacunmi! ¡Can cariyashpa mana rimashca cacpica, ñuca soldadocunaca pacaringacamanmi paicunapac huauquicunata llaquichingapac catinman carca!— nirca.

2 SAMUEL 2:27 ပူးပေါင်းရင်းမြစ်များ

2 SAMUEL 2:14

Chaipimi Abnerca Joabtaca: —¡Ñucanchic ñaupapi macanacungapac mosocuna llucshichun!— nirca. Shina nicpimi Joabca: —¡Macanacungapac jatarichic!— nirca.

2 SAMUEL 2:26

Chai pushtumantami Abnerca Joabtaca: —¿Cambac espadahuan huañuchishpa caticugringuillachu? ¿Cai macanacui tucurishca quipa yalli llaqui tiyanataca manachu yachangui? ¿Ima horacamantac cambac gentecunataca paicunapac huauquicunata huañuchishpa caticuchun saquigringuiyari? ¿Ima horatac jarcarigringui?— nishpa caparirca.

2 SAMUEL 2:28

Chai quipami Joabca paipac soldadocunataca cornetapi tocashpa, ama ashtahuan catichun jarcachirca. Chaipica ña mana ashtahuan macanacurcacunachu.

JOB 27:2

«Ñuca japina cashcata quichuc Diosca causacunmi. Ñuca almata llaquichic tucuita ruhuac Diosca ricucunmi.

PROVERBIOS 15:1

Sumacta rimashcaca piñarishcata allichinmi. Ashtahuan sinchita rimashcaca ashtahuanmi rabiachin.

PROVERBIOS 17:14

Piñanacuita callarichic runaca jatun yacutami cacharin. Piñanacui manarac callaricpi anchuringui.

PROVERBIOS 20:18

Ima ruhuanata yuyarishcaca cunashcahuanmi alli llucshin. Jatun macanacuitaca allita yuyarishpami ruhuana can.

PROVERBIOS 25:8

Imatapish ricushpaca ama tigrai juezcunaman huillangapac ringuichu. Pacta shuctac huillac mana chashnachu nishpa canta pingaichinman.

ISAÍAS 47:7

Canca: “Huiñaitami mandac huarmi casha” yuyarcanguimi. Quipa punzha llaqui tucunataca mana yuyarircanguichu.

1 SAMUEL 25:26

Cunanca ñuca mandaclla, ¡Mandac Diospac shutipi, cambac shutipi nini: Mana allita ruhuashcamanta cambac maquihuanllatac huañuchishpa yahuarta jichanamantaca Mandac Diosmi cantaca jarcashca! Canta piñaccunapish, ñuca mandacta llaquichisha niccunapish, Nabal shina llaquita apachun.