2 SAMUEL 2:14 - Dios Rimashcata Quillcashcami

¹⁴ Chaipimi Abnerca Joabtaca: —¡Ñucanchic ñaupapi macanacungapac mosocuna llucshichun!— nirca. Shina nicpimi Joabca: —¡Macanacungapac jatarichic!— nirca.

2 SAMUEL 2:14 ပူးပေါင်းရင်းမြစ်များ

2 SAMUEL 2:15

Shina nicpimi, ishcai ladomanta pacta pacta llucshishpa Saulpac churi Is-bosetmanta, Benjamín aillumantaca chunga ishcai, shinallatac Davidta serviccunamantapish chunga ishcai llucshirca.

2 SAMUEL 2:16

Chaipica piñanacucpura umamanta japinacushpa, espadata huicsa satinacushpami tucui mashna huañurca. Chaimantami Gabaón pueblopi tiyac chai allpataca Helcat-hazurim nishpa shutichirca.

2 SAMUEL 2:17

Chai punzha macanacuica yalli sinchimi carca. Chaipimi Abnertapish, israelcunatapish Davidpac serviccunaca atirca.

2 REYES 14:8

Chai quipami Amasiasca Jehupac nieto Joacazpac churi Israel llactata jatun mandac Joaspacman huillaccunata cacharca. Paicunataca: «Shamui ñahui ñahui ricunacushun» nichunmi cacharca.

PROVERBIOS 10:23

Yuyai illac runaca millaita ruhuashpami cushicun. Ashtahuanpish alli yuyaiyuc runaca alli yachacushpami cushicun.

PROVERBIOS 17:14

Piñanacuita callarichic runaca jatun yacutami cacharin. Piñanacui manarac callaricpi anchuringui.

PROVERBIOS 20:18

Ima ruhuanata yuyarishcaca cunashcahuanmi alli llucshin. Jatun macanacuitaca allita yuyarishpami ruhuana can.

PROVERBIOS 25:8

Imatapish ricushpaca ama tigrai juezcunaman huillangapac ringuichu. Pacta shuctac huillac mana chashnachu nishpa canta pingaichinman.