2 SAMUEL 19:35 - Dios Rimashcata Quillcashcami

³⁵ Ñucaca pusac chunga huatayucmi cani. Ima sumac micuicunapish, ubianacunapish ñucamanca imalaya cashca mana yacharinchu. Shinallatac caica mishquimi, jayacmi ninataca mana pudinichu. ¿Caricuna, huarmicuna cantashcatapish uyai pudishachu? Canta servic ñucaca maitatac jatun mandactaca llaquichishpa causagrishayari.

2 SAMUEL 19:35 ပူးပေါင်းရင်းမြစ်များ

2 SAMUEL 13:25

Shina nicpi, jatun mandacca Absalontaca: —Mana, ñuca huahualla, tucui ñucanchic rishpa, canta yallita gashtachinaca mana allichu canga— nirca. Mashnata jacu nicucpipish, jatun mandacca mana risha nishpami, paita bendiciarca.

2 SAMUEL 15:33

Shina shamucpimi Davidca: —Can ñucahuan ricpica, ashtahuanmi ñucamanca llaqui canga.

2 SAMUEL 19:36

¿Imamantatac can jatun mandacca ñucaman cai convidanata cusha ninguiyari? Canta servic ñucaca Jordán yacuta pasangacamanmi rigrini.

ESDRAS 2:65

Paicunata servic caricunata, servic huarmicunata mana yupashcami chashna carca. Chai serviccunaca canchis huaranga quimsa patsac quimsa chunga canchismi carca. Paicunaca ishcai patsac cantac caricunata, cantac huarmicunatami charirca.

NEHEMÍAS 7:67

Paicunata servic caricunatapish, huarmicunatapish mana yupashcami carca. Chai serviccunaca canchis huaranga quimsa patsac quimsa chunga canchismi carca. Paicunapurapica cantac caricuna, huarmicunaca ishcai patsac chuscu chunga pichcami carca.

JOB 12:11

Ringri uyacpimi, imata rimashcatapish yachan. Callumi imalaya micuna cashcatapish yachan.

JOB 6:30

¿Ñuca callutaca llullac cashcatachu yuyanguichic? Ñuca mana alli shimicunata rimacushcataca ¿Manachu ñucallatac yachai pudini?

SALMOS 90:10

Ñucanchicca canchis chunga huatallatami causanchic. Unaita causac nishcami pusac chunga huatata causan. Chashna unaita causashpapish llaquihuan, nanaillahuanmi causanchic. Huatacuna utca pasacpica, ñucanchic causaipish utcami chingarin.

ÉXODO 12:4

Maijan huasi familia ashalla cashpa, shuc ovejata mana tucui micui pudishpaca, cuchullapi causacmanmi chaupina can. Familiacuna mashnapura cashcata ricushpami, micuna pactaipacta cuna can.

ÉXODO 2:8

Shina nicpimi, Faraonpac ushica: —Rilla— nirca. Shina nicpimi, chai soltera rishpaca, huahuapac mamata pushamurca.

ECLESIASTÉS 2:8

Curitapish, cullquitapish, jatun mandac charinacunatapish achcatami tandachircani. Cantac caricunatapish, huarmicunatapish, tocanacunatapish tucuitami charircani. Chashnami ñucaca gentecuna cushicuna cashca shina, yallita cushicushpa, huarmicunata catipi charircani.

HEBREOS 5:14

Sinchi micuita micucca ña yuyaita charishpami, imatapish taripashpa, allitapish, mana allitapish yachac chayan.

1 PEDRO 2:3

Apunchic Jesús mai cuyac cashcata ña yachashcamantami, chaita ruhuana canguichic.