2 SAMUEL 19:28 - Dios Rimashcata Quillcashcami

²⁸ Ñuca taitapac huasi ucupuraca tucuimi can jatun mandacpac ñaupapi huañuna carca. Shina cashpapish ñucata mana huañuchishpa, canta servic ñucataca cambac cayashcacunahuan micuchun mizapi churarcangui. Cunanca, can jatun mandacman imata ashtahuan mañanatapish mana pudinichu— nirca.

2 SAMUEL 19:28 ပူးပေါင်းရင်းမြစ်များ

GÉNESIS 32:10

Canta servic ñucata cuyashpa, allicunata cuchunca, ima allita canmanca mana ruhuashcanichu. Ñucaca cai Jordán jatun yacutaca tauna caspi apashcallami pasarcani. Cunanca, ishcai pamba animalcunami ñucapac can.

2 SAMUEL 14:17

Cunanca, canta servic ñucaca: “Can jatun mandac imatapish allita ñucaman ruhuachunmi munani. Ñucata jatun mandaclla, Diospac ángel shina allitapish, mana allitapish ricushpa allichicmi cangui. ¡Chashna cashcamanta can jatun mandactaca Diosllatac pushashca cachun!” nishami— nirca.

2 SAMUEL 14:20

Canta servic Joabca can llaquichigricucpi, ama llaquichichunmi caicunataca nichun cacharca. Shina cacpipish, can ñucata jatun Mandac Diospac ángel shinami cai pachapi tucui ima tucucushcataca yachangui— nirca.

2 SAMUEL 15:26

Shina cacpipish: “Canca ñuca ñaupapi mana allichu cangui” nicpica, caipimi cani. Pai munashca shina imatapish ruhuachunlla— nirca.

2 SAMUEL 16:3

Shina nicpimi, jatun mandac Davidca: —¿Cambac amopac churica maipitac?— nishpa tapurca. Shina tapucpimi Sibaca jatun mandactaca: —Paica: “Ñuca aillu mandanataca cunan punzhallatacmi israelcunaca ñucaman cunga” yuyashpami Jerusalenllapitac saquirca— nirca.

2 SAMUEL 19:29

Shina nicpimi, jatun mandacca: —Canmantaca ashtahuan imata mana nisha ninichu. Canhuan Sibahuan allpata chaupinacuichiclla— nirca.

2 SAMUEL 9:10

Canpish, cambac churipish, canta serviccunapish paiman allpapi trabajashpa granota pucuchinguichic. Shinallatac chai pucushcacunataca cambac amopac nieto Mefi-boset micunata charichun huacaichinguichic. Shina cacpipish, Mefi-bosetca punzhantami ñuca mizapi micunga— nirca. Sibaca chunga pichca churita, ishcai chunga servictami charirca.

2 SAMUEL 9:13

Mefi-bosetca jatun mandac-huan micushpa causac cashcamantami Jerusalenpi causarca. Paica ishcai chaquita lisiadomi carca.

2 REYES 8:3

Ña canchis huata quipami, chai huarmica filisteocunapac llactamanta cutishpa, Israel llactata jatun mandactaca paipac huasita, allpata cutichichun nishpa mañangapac rirca.

1 SAMUEL 26:16

Chashna mana cuidashpaca, mana allitami ruhuashcangui. ¡Mandac Diospac shutipimi nini: Cancunaca huañunatacmi canguichic! ¡Mandac Dios churashca cancunata jatun mandactami mana alli cuidashcanguichic! Cunanca ricui. ¿Jatun mandacpac uma ladopi tiyacushca lanzapish, jarropish maipitacyari?— nishpa tapurca.