2 SAMUEL 19:22 - Dios Rimashcata Quillcashcami

²² Shina nicpimi Davidca: —Sarviapac huahualla, ¿ima nishpatac ñucataca piñanacuipi churashun ninguichicyari? ¿Cancunataca imatatac ruhuashcaniyari? Israelcunata jatun mandacmi cani. Israelpuramantaca shucllapish mana huañungachu— nirca.

2 SAMUEL 19:22 ပူးပေါင်းရင်းမြစ်များ

2 SAMUEL 16:10

Shina nicpimi, jatun mandacca: —Sarviapac huahuacunalla, ¿Caicunataca ñucaca ima ricunatatac charini? Mandac Diosllatac: “Davidta maldiciai” nishca cacpica, ¿pitac paicunataca “mana allitami ruhuacungui” ninga?— nirca.

2 SAMUEL 16:5

David ña Bahurim llactata ricucpimi, Saulpac aillupuramanta Gerapac churi Simei llucshishpaca jatun mandac Davidtapish, paita serviccunatapish maldiciashpa,

2 SAMUEL 16:9

Chaimantami Sarviapac cari huahua Abisaica jatun mandactaca: —¿Ima nishpatac cai huañushca allcu shinaca, ñuca jatun mandactaca maldicianyari? ¡Ñuca paipac cungata pitigrichun saqui!— nirca.

2 SAMUEL 3:39

Cunanca, jatun mandac cachun aceitehuan cahuishca cashpapish irquiyashcami cani. Sarviapac huahuacunami ñucata atishpa ashtahuan sinchicuna. Paicuna mana allita ruhuashcamantaca Mandac Diosllatac mana allita ruhuashca shinallatac llaquichichun— nirca.

ISAÍAS 16:5

Chai quipami Davidpac huahua huahuapuramanta shuc mandac llucshinga. Paimi David shayachishca carpa huasipica cuyaihuan mandanga. Paimi piñaccunataca llaquichishpa, cashcata ruhuashpa mandanga.

SAN MATEO 8:29

Paicuna Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichi shamungui?— nishpa caparirca.

1 SAMUEL 11:13

Shina nicpimi Saulca: —Cunanmi Mandac Diosca israelcunata macanacuipi ayudashpa mishachishca. Chaimanta cunan punzhaca maijanpish mana huañungachu— nirca.

1 SAMUEL 26:11

Mandac Dios acllashca jatun mandacta ñuca huañuchinamantaca Mandac Diosllatac jarcachun. Cunanca paipac uma ladopi shayacuc lanzata, jarro yacutapish apashpa jaculla— nirca.

1 SAMUEL 26:8

Shina ricushpami Abisaica Davidtaca: —¡Cunanmi, Diosca canta piñactaca cambac maquipi churashca! Cunanca, paita lanzahuan ñuca huañuchingapac saqui. Paitaca shuc shitai allpacaman pasachishpa huañuchisha— nirca.

1 SAMUEL 26:9

Shina nicpimi, Davidca Abisaitaca: —Ama huañuchichu. Mandac Dios acllashca jatun mandacta huañuchicpica, paipish llaquichingami— nirca.