2 SAMUEL 19:2 - Dios Rimashcata Quillcashcami

² Chaimantami chai punzhaca macanacuita atishpa cushicunapac randica tucui mashna llaquilla tucurca. Chaica: “Jatun mandacca paipac churi huañushcamantami yallita nanarishca can” nishcatami tucui gentecuna yachac chayarca.

2 SAMUEL 19:2 ပူးပေါင်းရင်းမြစ်များ

2 SAMUEL 14:1

Sarvia huarmipac cari huahua Joabca jatun mandac David shungumanta Absalonta llaquicuctami yachac chayarca.

2 SAMUEL 19:1

Joabmanca: «Jatun mandacca Absalón huañushcamantami huacashpa llaquilla can» nishpa parlarca.

2 SAMUEL 19:3

Chai punzhapica gentecunaca macanacuimanta miticushpa pingaihuan shamuc shinami, pueblomanca pacalla yaicurca.

PROVERBIOS 16:15

Jatun mandac cushilla ñahuihuan cacpica, causaimi tiyan. Pai cuyaihuan ruhuashcaca quipa tamya puyu shinami.

PROVERBIOS 19:12

Jatun mandac piñarishpaca león huacac shinami manchachin. Pai alli ruhuashcaca garua quihuapi urmashca shinami.