2 SAMUEL 18:5 - Dios Rimashcata Quillcashcami

⁵ Jatun mandacca Joabtapish, Abisaitapish, Itaitapish mandashpaca: «Ñucata cuyashcamantaca, Absalón mosota ama llaquichinguichicchu» nirca. Jatun mandac Absalonta ama llaquichinguichicchu nishpa soldadocunata rimacuctaca tucui gentecunami uyarca.

2 SAMUEL 18:5 ပူးပေါင်းရင်းမြစ်များ

2 SAMUEL 16:11

Chai quipami Davidca Abisaitapish, paita serviccunatapish rimashpaca: —Ñucamanta llucshishca churillatac huañuchisha nicucpica, ¡Benjaminpac aillupuramantacarin mashnatapish rimangallami! Mandac Diosmi chashna nichun nishca canga. Chaimanta mashnatapish maldiciachun saquilla.

2 SAMUEL 17:14

Shina nicpimi, Absalonpish tucui israelcunapish rimashpaca: «Arquitapuramanta Husai cushca yuyaimi Ahitofelpac yuyaita atishpa, ashtahuan alli» nirca. Mandac Diosca Absalonta llaquichingapacmi Ahitofel cushca yuyaita yangapi churachun chashnaca rimachirca.

2 SAMUEL 18:12

Shina nicpimi, chai runaca Joabtaca: —Can shuc huaranga ciclos cullquita ñuca maquipi churacpipish, jatun mandacpac churitaca mana huañuchishachu. Chaica jatun mandac cantapish, Abisaitapish, Itaitapish rimashpaca: “Absalón mosotaca ama llaquichinguichicchu” nictami uyarcanchic.

2 SAMUEL 19:1

Joabmanca: «Jatun mandacca Absalón huañushcamantami huacashpa llaquilla can» nishpa parlarca.

SALMOS 103:13

Mandac Diosca shuc taita paipac huahuacunata llaquic shinami, paita manchaccunataca llaquin.

SAN LUCAS 23:34

Chashna chacatacpipish Jesusca: —Ñuca Taitalla, cai gentecunaca ima ruhuacushcata mana yachanchu. Chaimanta perdonai— nirca. Cutin Jesuspac churanacunata suerteta ruhuashpami chaupinacurca.