2 SAMUEL 18:28 - Dios Rimashcata Quillcashcami

²⁸ Ahimaas jatun mandacta cayashpaca: —¡Cushi causaita charingui!— nirca. Chashna nishpami, jatun mandacpac ñaupapi pambacaman cumurishpaca: —¡Canta Mandac Diosca alli nishca cachun! Paimi can jatun mandac-huan cariyaccunata ñucanchic maquipi churashca— nirca.

2 SAMUEL 18:28 ပူးပေါင်းရင်းမြစ်များ

GÉNESIS 14:20

Canta piñaccunata cambac maquipi churac, jahua pachapi causac Diosca alli nishca cachun» nirca. Chaimantami Abramca tucui quichushcacunamanta chungamanta shucta Melquisedecman curca.

GÉNESIS 24:27

«¡Ñuca amo Abrahampac Mandac Dioslla, cantaca alli nichun! ¡Canca llaquic cashpa, shinallatac imatapish cashcata nic cashpami, ñuca amopac familiapacmantac ñucataca pushamushcangui!» nirca.

2 SAMUEL 1:2

Ña quimsa punzha tucucpica, Saulpac carpa huasimantami shuc mosoca churanacuna lliquirishca, umapish allpalla chayamurca. Chashna shamushpami, cazushcata ricuchishpa Davidpac ñaupapi pambacaman cumurirca.

2 SAMUEL 14:4

Shina nicpimi, Tecoa pueblomanta huarmica jatun mandacpacman rishpa, cazushcata ricuchingapac pambacaman cumurishpa, jatun mandactaca: —¡Jatun mandaclla, ñucata ayudaiyari!— nirca.

2 SAMUEL 22:27

Ima mapa illaccunahuanca canpish mapa illactami ricuchingui. Millaita ruhuac-huanca piñami cangui.

2 CRÓNICAS 20:26

Chuscu punzha tucucpica, Beraca pugru pambapi tandanacushpami Mandac Diosta alli nircacuna. Chaimantami chai pambataca Beraca pugru pamba nishpa shutichirca. Chai pambaca cunancamanmi chai shutillatac can.

SALMOS 115:1

Mandac Dioslla, ama ñucanchicta alli nichuyari. Ashtahuanpish can llaquic cashcamanta, cashcata nic cashcamanta cambac sumaimana shutita alli niyari.

SALMOS 124:6

Mandac Diosca alli nishca cachun. Paicuna quirucunahuan ñucanchicta pitinacushpa tucuchichunca mana saquircachu.

SALMOS 31:8

Piñacpac maquipica mana churarcanguichu. Ashtahuanpish ñuca chaquicunataca pi mana llaquichina pushtupimi churarcangui.

ÉXODO 18:10

Chaimantami Jetroca: —¡Mandac Diosca alli nishca cachun! Paimi cancunataca Egipto runacunapac maquimantapish, Faraonpac maquimantapish llucchirca. Paimi Egipto runacunapac maquimanta cacharichishca.

1 SAMUEL 17:46

Cunan Mandac Dios canta ñuca maquipi churacpimi, canta atishpa, cambac umata pitisha. Cunanmi cambac aichatapish, filisteo soldadocunapac aichatapish jahuata volac animalcunaman, sacha animalcunaman carasha. Chashna ruhuacpimi, tucui cai pachapi causaccunaca israelcunapac Dios tiyashcata yachangacuna.

1 SAMUEL 24:18

Mandac Dios cambac maquipi ñucata churacpipish mana huañuchishpami allita ruhuac cashcata cunan ricuchingui.

1 SAMUEL 25:23

Abigaíl huarmi Davidta ricushpaca, burromanta uricushcahuanmi Davidpac ñaupapi pambacaman cumurirca.

1 SAMUEL 26:8

Shina ricushpami Abisaica Davidtaca: —¡Cunanmi, Diosca canta piñactaca cambac maquipi churashca! Cunanca, paita lanzahuan ñuca huañuchingapac saqui. Paitaca shuc shitai allpacaman pasachishpa huañuchisha— nirca.