2 SAMUEL 18:24 - Dios Rimashcata Quillcashcami

²⁴ Davidca pueblo yaicuna ishcai pungucuna chaupipimi tiyacurca. Torre jahuapi chapac runaca pungu jahuapi tiyac pataman huichicushpa, alzarishpami shuc runa pailla callpamucucta ricurca.

2 SAMUEL 18:24 ပူးပေါင်းရင်းမြစ်များ

2 SAMUEL 13:34

Absalonca miticushpami rishca canga. Torre jahuapi chapac runa huichai rishpaca, jahua urcu lado ñanta achca gentecuna shamucuctami ricurca.

2 SAMUEL 18:23

Shina nicpimi paica: —Imapish cachun, callpagrinimi— nirca. Shina nicpimi Joabca: —Callpailla— nirca. Shina nicpimi, Ahimaasca jatun pamba ñanta rishpa, etiope runata pasashpa chayagrirca.

2 SAMUEL 18:25

Chai chapac runa ricushpami, jatun mandacta cayashpa huillarca. Shina huillacpimi jatun mandacca: —Pailla shamushpaca, alli huillaihuanmi shamucunga— nirca. Cutin callpashpa shamuc runa ashtahuan cuchuyamucpica,

2 SAMUEL 18:4

Shina nicpimi jatun mandacca: —Ñucaca cancunaman ima alli cashcata ruhuashallami— nirca. Chashna gentecuna patsacpi, huarangapi chicanyachishca ricucpica, jatun mandacca puebloman yaicuna pungupimi shayacurca.

2 SAMUEL 19:8

Shina nicpimi, jatun mandacca jatarishpa, pueblo yaicunaman rishpa tiyarirca. Chaipi tiyarishpaca: «Riqui, cai pueblo yaicunapimi jatun mandacca tiyacun» nirca. Shina nicpimi, tucui gentecuna jatun mandacpac ñaupaman shamurca. Ashtahuanpish israelcunaca paicunapac quiquin carpa huasicunamanmi miticushpa rishca carca.

1 SAMUEL 4:13

Chai runa chayacpica, Elimi ñan ladopi chapashpa bancupi tiyacushca carca. Paica Diospac Arcata yuyarishpami shungupica chucchushpa tiyacurca. Chai runa Silo puebloman chayashpa paicunaman huillacpica, tucui chai pueblopi causaccunami yallita caparicurca.