2 SAMUEL 18:19 - Dios Rimashcata Quillcashcami

¹⁹ Chai quipami Sadocpac churi Ahimaasca: —Ñucanchicta piñaccunapac maquimanta Mandac Dios ima shina cacharichishcata jatun mandacman huillangapac callpagrinimi— nirca.

2 SAMUEL 18:19 ပူးပေါင်းရင်းမြစ်များ

2 SAMUEL 15:27

Shinallatac jatun mandacca Sadoc curataca: —¿Manachu canca Dios ricuchishcata huillac cangui? Mana manchashpa cancunapac churicunahuan puebloman cutichiclla. Cambac churi Ahimaaspish, Abiatarpac churi Jonatanpish richiclla.

2 SAMUEL 15:36

Riqui, Sadoc curapac churi Ahimaaspish, Abiatarpac churi Jonatanpish chaillapitacmi cancuna. Paicunata can tucui ima uyashcataca huillachun cachangui— nirca.

2 SAMUEL 17:17

Jonatanpish, Ahimaaspish, Jerusalenman ima shina mana cutimui pudishpami Rogel yacu ladopi carca. Paicunamanca shuc servic huarmimi huillac shamuna carca. Cutin chaitami paicunaca jatun mandac Davidmanca huillagrina carca.

2 SAMUEL 18:20

Shina nicpimi Joabca: —Cai ima tucushcataca mana cunanchu huillagrina cangui. Shuc punzhami huillagrina cangui. Jatun mandacpac churica huañushcami. Chaimanta mana cunanchu huillagrina cangui— nirca.

2 SAMUEL 18:23

Shina nicpimi paica: —Imapish cachun, callpagrinimi— nirca. Shina nicpimi Joabca: —Callpailla— nirca. Shina nicpimi, Ahimaasca jatun pamba ñanta rishpa, etiope runata pasashpa chayagrirca.

2 SAMUEL 18:31

Chai quipami etiope runa chayashpaca: —Ñuca jatun mandaclla, alli huillaihuanmi shamuni. Cunanmi Mandac Diosca canta llaquichisha niccunapac maquimanta quishpichishca— nirca.

SALMOS 10:14

Pai yallita llaquichicuctaca canllatacmi ricucungui. Paicuna imata ruhuashca shinallatacmi llaquichingui. Imata mana ruhuai pudiccunaca cambac maquimanmi cuchuyan. Canca taita mama illaccunata ayudacmi cangui.

SALMOS 10:18

Allpallamantac ruhuashca runa ama llaquichishpa catichunmi taita mama illac huahuacunatapish, llaquichishca causaccunatapish ayudashcangui.

SALMOS 7:6

¡Ñucata Mandac Dioslla, piñarishpa jatariyari! Ñucata piñaccuna llaquichicpi ñucamanta shayariyari. Canca cashcata ruhuasha nishpami mandarcangui. ¡Chaimanta ñucata misaiyari!

SALMOS 9:16

Mandac Diosca cashcata ruhuashpami paipac shutitaca ricsichirca. Ashtahuanpish millaita ruhuaccunaca shuccunata urmachingapac paicunallatac ruhuashca tucllapimi urmarcacuna.

SALMOS 9:4

Canca cashcata ruhuacmi cangui. Cambac tiyanapi tiyarishpami ñucataca cashcata ruhuashpa taripangui.

JEREMÍAS 51:31

Babilonia llactata japishcata huillaccunapish, cartata saquiccunapish catinacuimi Babilonia llactata jatun mandacpacman ringa.

ROMANOS 12:19

Cuyashca criccuna, cancunata maijan llaquichicpica, ama cancunallatac llaquichinata yuyaichicchu, ashtahuanpish Dios llaquichichun saquinguichic. Chaica, Dios quillcachishcapica: «Llaquichina cacpica, ñucami llaquichisha. Paicuna japina cashcatami cusha» ninmi.