2 SAMUEL 18:18 - Dios Rimashcata Quillcashcami

¹⁸ Absalón causacushpaca: «Ñuca shutita yuyarichunca, churicunatapish mana charinichu» nishpami jatun mandacpac pambapi paita yuyarina shuc pilar shinata ruhuachishca carca. Chai pilar shinataca paipac shutitami churarca. Cunan punzhacamanmi «Absalonta yuyarina pilar» nincuna.

2 SAMUEL 18:18 ပူးပေါင်းရင်းမြစ်များ

GÉNESIS 11:4

Chai quipaca: «Cunanca, shuc pueblotapish, jahua pachaman alto shuc torretapish chayachingapac jacuchic. Shina ruhuashpami, mana caita chaita rishpa, cai pachapica tucui gentecunapac alli nishca causashun» ninacurca.

GÉNESIS 11:9

Mandac Diosca paicunapac rimaita chican chicanta ruhuashpami, chai llactataca Babelta shutichirca. Chai llactamantami tucui cai pachata shic-huarishpa causagrirca.

GÉNESIS 14:17

Abram Quedarlaomertapish, caishuc jatun mandaccunatapish atishpa macashpa cutimucpica, Sodomamanta jatun mandacca Save pambapimi tupangapac rirca. Chai pambataca jatun mandacpac pamba nincunami.

2 SAMUEL 14:27

Absalonca quimsa churita, shuc ushitami charirca. Paica Tamar shuti sumac huarmimi carca.

SALMOS 109:13

Paipac huahua huahuacunapish tucui tucuchishca cachun.

SALMOS 49:11

Paicunapac allpata paicunapac shutipi churacpipish, paicunapac huiñaita causana huasica enterrarina jutcumi. Chaimi huahua huahuacunapac causana huasica can.

ISAÍAS 22:16

“¿Canca caipica imatatac charingui? Mana cashpaca, ¿pitac enterrangapacta lomacunapi, quingraicunapi jutcuta ruhuaccuna shina, enterrana jutcuta caipi ruhuachircangui?

JEREMÍAS 22:30

Mandac Diosca: «Cai runa ima tucunata quillcaichic. Paica, paipac tucui causaipimi shuc huahuallatapish mana charinga. Paica mana alli causangachu. Paipac huahua huahuacunamantaca pipish David mandashpa tiyarinapica mana tiyaringachu. Judá llactatapish mana mandangachu» ninmi.

DANIEL 4:30

«¿Manachu cai jatun Babilonia llactataca ñuca alli nishca cangapac, ñuca fuerzahuan shayachircani?» nirca.

NÚMEROS 32:42

Nobaca Kenat llactatami tucui chai muyundi llactacunandi japirca. Chai llactataca paipac quiquin shuti Nobatami shutichirca.

1 SAMUEL 15:12

Chai quipami Samuelca manarac alli punzhayacpi, utca jatarishpa Saulhuan tupangapac rirca. Samuel chaiman chayacpica: —Saulca ñami Carmel puebloman rirca. Riquichic, paita yuyarina pircata shayachishpami Gilgal puebloman muyushpa urai rirca— nirca.