2 SAMUEL 18:14 - Dios Rimashcata Quillcashcami

¹⁴ Shina nicpimi Joabca: —Mana canhuan caipi yanga shayacusha ninichu— nirca. Shina nishpami, quimsa flechata maquipi apashpa, Absalonpacman rishpa shungupi satirca. Absalonca encina ramacunapica causacurcaracmi.

2 SAMUEL 18:14 ပူးပေါင်းရင်းမြစ်များ

2 SAMUEL 12:10

Cunanca ñuca nishcata mana uyashpa, heteopuramanta Uriaspac huarmita japishpa, millaita ruhuashcamantaca cambac huasi ucupurapica huañuica jaicapi mana illangachu” nirca.

2 SAMUEL 14:30

Chaimantami Absalonca paita serviccunata cayashpaca: —Riquichic, Joabpac chagracunaca ñuca chagra cuchullapitacmi can. Paica cebada chagratami charin. Chaiman rishpa ninata japichigrichic— nirca. Shina nicpimi, Absalonta serviccunaca Joabpac chagrata rupachirca.

2 SAMUEL 18:15

Quipataca Joabpac escudocunata apac chunga runacunami muyunacushpa tucui huañuchirca.

2 SAMUEL 18:5

Jatun mandacca Joabtapish, Abisaitapish, Itaitapish mandashpaca: «Ñucata cuyashcamantaca, Absalón mosota ama llaquichinguichicchu» nirca. Jatun mandac Absalonta ama llaquichinguichicchu nishpa soldadocunata rimacuctaca tucui gentecunami uyarca.

2 SAMUEL 19:1

Joabmanca: «Jatun mandacca Absalón huañushcamantami huacashpa llaquilla can» nishpa parlarca.

2 SAMUEL 19:11

Chashna parlanacushcataca ñami jatun mandacpac huasipica yachac chayarca. Chaimantami jatun mandac Davidca Sadoc, Abiatar curacunataca: «Judá llacta pushac yuyaccunataca: “¿Ima nishpatac cunanrac jatun mandacta cutichimushun nicunguichic? Ashtahuanpish tucui israelcunami jatun mandactaca paipac huasiman cutichimushunchic nishpa, ña parlanacushca.

JOB 20:5

Mana allita ruhuaccunapac cushicuica utcami tucurin, Diosta mana manchac runapac cushicuipish ashacamallami can.

SALMOS 37:35

Diosta mana manchac runataca yallita jatun tucuctami ricurcani. Libanopi tiyac cedro yura shina jatunyactami ricurcani.

SALMOS 45:5

Pueblocunapi causaccunaca cambac chaqui ucupimi urmanga. Cambac filosapa flechacunaca can jatun mandacta piñaccunapac shungutami chaupishpa pasanga.

SAN MATEO 12:40

Ima shinami Jonás quimsa tutata, quimsa punzhata shuc jatun challuapac huicsapi carca, chashnallatacmi Runa Tucungapac shamushca ñucaca, quimsa tutata, quimsa punzhata allpa ucupi casha.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

JUECES 4:21

Sísara shaicushca cashcamanta yallita sueñucucpimi, Heberpac huarmi Jaelca carpa huasi shayachina ishtacata apashpa, ringri ladopi churashpa allpacaman pasacta ishtacarca. Chashnami Sisarataca huañuchirca.

JUECES 5:26

Lluqui maquihuanca ishtacata alli maquihuanca carpinteropac mazota japishpami Sisarapac umapi ishtacashpa shuc ladoman pasachirca.

JUECES 5:31

Mandac Dioslla, tucui canta piñaccuna chashna chingarishpa tucurichun. Shinallatac cuyaccunaca inti llucshishpa tucuita achicyachic shina cachun” nishpami cantarca. Chaimanta quipamanca chuscu chunga huatatami israelcunaca cushilla causarca.