2 SAMUEL 17:17 - Dios Rimashcata Quillcashcami

¹⁷ Jonatanpish, Ahimaaspish, Jerusalenman ima shina mana cutimui pudishpami Rogel yacu ladopi carca. Paicunamanca shuc servic huarmimi huillac shamuna carca. Cutin chaitami paicunaca jatun mandac Davidmanca huillagrina carca.

2 SAMUEL 17:17 ပူးပေါင်းရင်းမြစ်များ

2 SAMUEL 15:27

Shinallatac jatun mandacca Sadoc curataca: —¿Manachu canca Dios ricuchishcata huillac cangui? Mana manchashpa cancunapac churicunahuan puebloman cutichiclla. Cambac churi Ahimaaspish, Abiatarpac churi Jonatanpish richiclla.

2 SAMUEL 15:35

Sadoc curapish, Abiatar curapish chaipimi canga. Canca jatun mandac mandashpa tiyana huasipi imalla tucushcata yachashpaca, Sadoc shinallatac Abiatar curacunaman huillangui.

2 SAMUEL 15:36

Riqui, Sadoc curapac churi Ahimaaspish, Abiatarpac churi Jonatanpish chaillapitacmi cancuna. Paicunata can tucui ima uyashcataca huillachun cachangui— nirca.

1 REYES 1:42

Pai shina nicucllapitacmi Abiatar curapac churi Jonatán chayarca. Pai chayacpimi Adoniasca: —Yaicumuilla, canca imatapish mana manchac runami cangui. Canca alli huillanatami apamucungui— nirca.

1 REYES 1:9

Ashtahuanpish Adoniasca Rogel yacu ladopi tiyac Zohelet rumi quingrai ladopimi ovejacunata, huagracunata ashtahuan huira shuctac animalcunatapish, huañuchishpa jatun mandacpac churi paipac huauquicunata, jatun mandacta servic Judá gentecunatapish cayarca.

JOSUÉ 15:7

Cutin Acor pugru pambamantaca Debir pueblocaman chayashpa, chaimanta huichaita rishpa, Adumim quingrai chimba ladopi cac Gilgal pueblota muyurca. Chashnami ura lado jatun yacu lado pambacaman carca. En-semes yacuta rishpami En-rogel junducaman carca.

JOSUÉ 18:16

Chai linderoca Ben-hinompac churipac pugru pamba chimba ladopi cac urcu chaquicamanmi carca. Chai urcuca Refaim pugru pamba jahua ladocamanmi. Chaimantaca Ben-hinom pugru pambata urai rishpa, jebuseocuna causana ura lado quingraita rishpa, En-rogel jundu yacucamanmi carca.