2 SAMUEL 16:23 - Dios Rimashcata Quillcashcami

²³ Cai punzhacunapica Ahitofel yuyaita cushcataca Dios rimashpa yuyaita cushcata shinami yuyac carca. Chashnallatacmi Davidpish, Absalonpish yuyac carca.

2 SAMUEL 16:23 ပူးပေါင်းရင်းမြစ်များ

2 SAMUEL 15:12

Absalonca Diosman animalta cushpa rupachicushpaca, Davidta cunaccunapuramanta Gilo pueblomanta Ahitofel yuyac runatami cayachun cacharca. Shinami Absalonca jatun mandac-huan piñanacushpa cariyangapac huashalla allichirirca. Absalonta caticcunapish ashtahuan miraricpimi, jatun mandacta llaquichinaca ashtahuan sinchiyarca.

2 SAMUEL 15:31

Shina ricucpimi Davidmanca: «Ahitofelpish Absalonhuan tucushpami llaquichingapac allichiricun» nishpa huillarca. Chaita uyashpami Davidca: «Mandac Dioslla, Ahitofel mana allita ruhuasha nicushcata ruhuachunca amatac saquinguichu, ashtahuanpish paitaca urmachingui» nishpa mañarca.

2 SAMUEL 17:1

Chai quipami Ahitofelca Absalontaca: —Cunanca, ñucaca chunga ishcai huaranga runata acllashpami cunan tutallatac jatarishpa, Davidta catishpa rigrini.

2 SAMUEL 17:14

Shina nicpimi, Absalonpish tucui israelcunapish rimashpaca: «Arquitapuramanta Husai cushca yuyaimi Ahitofelpac yuyaita atishpa, ashtahuan alli» nirca. Mandac Diosca Absalonta llaquichingapacmi Ahitofel cushca yuyaita yangapi churachun chashnaca rimachirca.

2 SAMUEL 17:23

Ashtahuanpish Ahitofelca pai yuyaita cushcata mana ruhuacpimi, paipac burrota parejashpa montashpa pai huacharishca pueblopi tiyac huasiman rirca. Paipac familia imata ruhuana cashcata ña allichishca quipaca sipirishpami huañurca. Pai huañucpica, paipac taita enterrashcallapitac enterrarca.

JOB 28:28

Chaimantami runataca: “Alli yachaica Mandac Diosta manchanami. Alli yuyaica millaimanta anchurinami” ninmi» nirca.

JOB 5:12

Millaita ruhuangapac yuyaita chariccunataca paicunapac maquihuan ama imata ruhuachunmi pandachin.

SALMOS 19:7

Mandac Dios mandashcacunaca cashcata ruhuac cashpami almatapish mushucyachin. Mandac Dios yachachishca shimicunaca imatapish pactachic cashpami, yanga runacunatapish allita yachachin.

SALMOS 28:2

Caparishpa ñuca mañashcatapish, cambaclla huasi ladoman huichailla maquicunata chutashpa mañashcatapish uyaiyari.

ECLESIASTÉS 10:1

Huañushca chuspicunaca ashnanmi mishquilla ashnacuc jambitapish ashnachinmi. Chashnami yuyaisapa, alli nishca runa ashata pandarishpaca, yallita mana alli ricurin.

JEREMÍAS 4:22

Ñuca acllashcacunaca ñucata mana ricsic yuyai illaccunami. Ñuca huahuacunaca imatapish mana yachac, imatapish mana entendiccunami. Millaita ruhuanataca allita yachancunami. Ashtahuanpish allita ruhuanataca mana yachancunachu.

JEREMÍAS 8:9

Alli yachaccunapish mancharishpami, pingaihuan imatapish mana ruhuai pudishpa saquiringa. Mandac Dios rimashcata mana ricunayachic gentecunaca, ¿maitatac yachac cangayari?

NÚMEROS 27:21

Josué imata ruhuangapacca Eleazar curapacmanmi ringa. Paimi Urim nishcahuan suerteta ruhuashpa, ñucaman tapunga. Josué israelcunata macanacungapac llucshichun nicpica llucshingacunami. Shinallatac cutichun nicpica, cutingacunami— nirca.

SAN MATEO 11:25

Chai quipami Jesusca: «Jahua pachata, cai pachata Mandac ñuca Taitalla, cantaca “allimari cangui” ninimi. Canca, cai yachanacunataca alli yuyaiyuc, alli yachaccunamanta pacashpami, huahuacuna shinamanmi, yachana yuyaita cushpa yachachishcangui.

SAN LUCAS 16:8

Amo chaita yachashpaca, chai mana cazuc mayordomotaca ‘allitami ruhuashca’ nirca. Cai pachapaclla caccunaca paicunapura ima allita ruhuangapacca, Diosta caticcunata atishpa alli yuyaiyucmi.

ROMANOS 1:22

Yallita yachac tucusha nishpapish, yuyai illaccunami tucushca.

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.

1 SAMUEL 30:8

Shina apamucpimi, Davidca Mandac Diosta tapushpaca: —¿Chai shuhuac runacunataca macangapac catishachu? ¿Catishpaca japi pudishachu?— nirca. Shina tapucpimi Mandac Diosca: —Catilla, japigringuimi. Prezu apashcacunatapish quichumunguimi— nirca.