2 SAMUEL 16:1 - Dios Rimashcata Quillcashcami

¹ David urcuta pasashpa, ashata chimbaman ricpimi, Mefi-bosetta servic Sibaca Davidhuan tuparca. Paica ishcai burrota parejashpami ishcai patsac tandata, patsac huayunga uvasta, patsac tortillata, shuc vino capachutapish apachishpa tuparca.

2 SAMUEL 16:1 ပူးပေါင်းရင်းမြစ်များ

2 SAMUEL 15:30

Davidca llaquillami umata quillparishpa, lluchu chaquilla huacashpa olivos yuracuna tiyac huichaita llucshirca. Shinallatac tucui paihuan caccunapish umata quillparishpa huacashpami huichai llucshirca.

2 SAMUEL 15:32

David utcaman mañac cashca shinallatac urcupi Diosta mañacucpimi, arquitapuramanta Husaica churanapish lliquishca, umapish allpalla tupac shamurca.

2 SAMUEL 19:17

Paihuanca Benjaminpac aillumanta huaranga runacunami shamurca. Shinallatac Saulpac huiñachishca Sibapish paipac chunga pichca churihuan, ishcai chunga serviccunahuanmi Jordán yacupi jatun mandac-huan tupangapac utca shamurca.

2 SAMUEL 19:32

Barzilaica pusac chunga huatayuc ña yuyacmi carca. Mahanaim pueblopi jatun mandac miticushca cacpica, tucui ima illashcatami cuc carca.

1 CRÓNICAS 12:40

Shinallatac cuchullapi causaccunapish, Isacarpac, Zabulonpac, Neftalipac aillucunapish harinata, higo tandata, chaquishca uvasta, vinota, aceiteta, burrocunapi, camellocunapi, mulacunapi, huagracunapi apachishpa apamurca. Shinallatac huagracunatapish, ovejacunatapish achcatami apamurca. Israel llactapica yalli cushicuimi tiyarca.

PROVERBIOS 18:16

Ima caranata cushpami runapac shungutaca pascan. Mandaccunapacmanpish pushanllami.

JEREMÍAS 40:10

Caldeocuna cancunapacman shamucpica, ñucami cancunapac randi cai Mizpa llactapi rimasha. Ashtahuanpish cancunaca, cancuna japishca llactacunallapitac shuyaichiclla. Vinotapish, aceitetapish, pucushca granotapish usyai punzhacunapi tandachishpa, huasipi huacaichichiclla» nirca.

JEREMÍAS 40:12

Chaimantami Judá llactamanta llucchishpa cachashca gentecunaca chai pushtullamantac cutirca. Paicunaca Gedaliaspacmanmi Mizpa llactaman shamurca. Chaipimi usyai punzhacuna tiyac vinotapish, ima shuctac granotapish achcata tandachirca.

AMÓS 8:1

Mandac Diosca usyai punzhacunapi pucushca taza frutatami muscuipi shina ricuchirca.

MIQUEAS 7:1

¡Aij, ñucalla! ¡Cosechana punzhapi granota tandachishca, tucuita uvasta pallashca, shuc uvasllapish mana tiyac pambapi shinami cani! Micungapacca shuc racimollapish mana tiyanchu. Ñucaca punta pucushca granota tucui shunguhuan micunatami munani.

1 SAMUEL 10:3

Chaimanta ashtahuan rishpaca, Tabor pambapi shayacuc encina yura ladopimi Bet-el pueblopi Diosta mañangapac huichai ricuc quimsa runacuna tupanga. Paicunaca shucca quimsa chivota, shucca quimsa mishqui tandata, shucca shuc shila vinota apashpami ricungacuna.

1 SAMUEL 16:20

Shina nicpi, Isaica shuc burropi tandata apachishpa, cara puñu vinota shinallatac huahua chivota apashpa paipac churi Davidtaca Saulpacman cacharca.

1 SAMUEL 25:18

Shina nicpimi, Abigaíl huarmica utcashpa ishcai patsac tandata, ishcai puñu vinota, pichca oveja aicha cusashcata, chaupi quintal camchata, patsac racimo uvasmanta ruhuashca tortillata, chaquishca higomanta ruhuashca ishcai patsac tandata burrocunapi apachirca.