2 SAMUEL 15:32 - Dios Rimashcata Quillcashcami

³² David utcaman mañac cashca shinallatac urcupi Diosta mañacucpimi, arquitapuramanta Husaica churanapish lliquishca, umapish allpalla tupac shamurca.

2 SAMUEL 15:32 ပူးပေါင်းရင်းမြစ်များ

2 SAMUEL 1:2

Ña quimsa punzha tucucpica, Saulpac carpa huasimantami shuc mosoca churanacuna lliquirishca, umapish allpalla chayamurca. Chashna shamushpami, cazushcata ricuchishpa Davidpac ñaupapi pambacaman cumurirca.

2 SAMUEL 13:19

Chaimantami Tamarca uchupata umapi churarishpa, tucuilaya color churanata lliquirishpa ishcai maquita uma jahuapi churashpa, caparishpa rirca.

2 SAMUEL 15:30

Davidca llaquillami umata quillparishpa, lluchu chaquilla huacashpa olivos yuracuna tiyac huichaita llucshirca. Shinallatac tucui paihuan caccunapish umata quillparishpa huacashpami huichai llucshirca.

2 SAMUEL 16:1

David urcuta pasashpa, ashata chimbaman ricpimi, Mefi-bosetta servic Sibaca Davidhuan tuparca. Paica ishcai burrota parejashpami ishcai patsac tandata, patsac huayunga uvasta, patsac tortillata, shuc vino capachutapish apachishpa tuparca.

2 SAMUEL 16:15

Shinallatac Absalonca tucui israelcunahuan, Ahitofelhuanmi Jerusalenman yaicurca.

2 SAMUEL 17:5

Chai quipami Absalonca: —Cunanca, arquitapuramanta Husai ima nishcata uyangapac, pai imata ruhuachun nishcata ruhuangapac cayamuichic— nirca.

1 REYES 11:7

Chashna cashpami, Salomonca Moab llactapi causaccunapac Quemos mana ricunayachishca yanga diosman Jerusalén chimba lado lomapi shuc altarta shayachirca. Shinallatac Amón llactapi causaccunapac Moloc millana yanga diosmanpish chashnallatacmi shayachirca.

1 REYES 4:16

Husaipac churi Baanaca Aser llactata, shinallatac Alot pueblotami mandacurca.

1 CRÓNICAS 27:33

Ahitofelpish jatun mandacman alli yuyaita cucmi carca. Arquitapuramanta Husaica jatun mandacpac alli ricsishcami carca.

SALMOS 3:7

¡Mandac Dioslla, jatariyari! ¡Ñuca Dioslla, quishpichiyari! Canmi ñucata piñaccunataca jazapi huactarcangui. Canmi millaita ruhuaccunapac quiruta paquircangui.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

SALMOS 91:15

Pai ñucata mañacpica, ñucaca uyashami. Pai yallita llaquihuan cacpica, ñucaca paihuanmi casha. Paita quishpichishpami alli nishca cachun ruhuasha.

SAN LUCAS 19:29

Betfagé pueblo, Betania pueblo cuchulla, Olivos urcumanmi chayarca. Chaimanta Jesús paipac ishcai yachacuccunata cachashpaca:

JOSUÉ 16:2

Bet-el pueblomantaca Luz pueblota, arquitacunapac llactata rishpa, Atarot pueblocamanmi carca.

1 SAMUEL 4:12

Chai punzhallatacmi Benjamín aillupuramanta shuc runa chai macanacuimanta miticushpa, Silo puebloman churanapish lliquirishca, umapish allpalla chayarca.