2 SAMUEL 15:31 - Dios Rimashcata Quillcashcami

³¹ Shina ricucpimi Davidmanca: «Ahitofelpish Absalonhuan tucushpami llaquichingapac allichiricun» nishpa huillarca. Chaita uyashpami Davidca: «Mandac Dioslla, Ahitofel mana allita ruhuasha nicushcata ruhuachunca amatac saquinguichu, ashtahuanpish paitaca urmachingui» nishpa mañarca.

2 SAMUEL 15:31 ပူးပေါင်းရင်းမြစ်များ

2 SAMUEL 15:12

Absalonca Diosman animalta cushpa rupachicushpaca, Davidta cunaccunapuramanta Gilo pueblomanta Ahitofel yuyac runatami cayachun cacharca. Shinami Absalonca jatun mandac-huan piñanacushpa cariyangapac huashalla allichirirca. Absalonta caticcunapish ashtahuan miraricpimi, jatun mandacta llaquichinaca ashtahuan sinchiyarca.

2 SAMUEL 16:23

Cai punzhacunapica Ahitofel yuyaita cushcataca Dios rimashpa yuyaita cushcata shinami yuyac carca. Chashnallatacmi Davidpish, Absalonpish yuyac carca.

2 SAMUEL 17:14

Shina nicpimi, Absalonpish tucui israelcunapish rimashpaca: «Arquitapuramanta Husai cushca yuyaimi Ahitofelpac yuyaita atishpa, ashtahuan alli» nirca. Mandac Diosca Absalonta llaquichingapacmi Ahitofel cushca yuyaita yangapi churachun chashnaca rimachirca.

2 SAMUEL 17:23

Ashtahuanpish Ahitofelca pai yuyaita cushcata mana ruhuacpimi, paipac burrota parejashpa montashpa pai huacharishca pueblopi tiyac huasiman rirca. Paipac familia imata ruhuana cashcata ña allichishca quipaca sipirishpami huañurca. Pai huañucpica, paipac taita enterrashcallapitac enterrarca.

2 SAMUEL 17:5

Chai quipami Absalonca: —Cunanca, arquitapuramanta Husai ima nishcata uyangapac, pai imata ruhuachun nishcata ruhuangapac cayamuichic— nirca.

2 SAMUEL 17:7

Shina nicpimi, Husaica Absalontaca: —Cunan, Ahitofel yuyaita cushcaca mana allichu— nirca.

JOB 5:12

Millaita ruhuangapac yuyaita chariccunataca paicunapac maquihuan ama imata ruhuachunmi pandachin.

SALMOS 109:3

Ñucata mana ricunayachishpami ñuca muyundipi shayarishpa rimarca. Shinallatac manapish, paita imata ruhuacpimi ñucahuan macanacurca.

SALMOS 3:1

¡Mandac Dioslla, ñucata piñaccunaca yallitami mirarishca! Taucacunami ñucata llaquichingapac shayarincuna.

SALMOS 41:9

Ñucahuan alli apanacuc, ñucahuan micuc, ñuca shunguta churashca runallatacmi ñucapac contra jatarirca.

SALMOS 55:10

Tutai punzhami jatun pirca jahuata ricushpa muyuncuna. Pueblo ucupica millaita ruhuaccuna, llaquichiccunami jundashca.

SALMOS 55:12

Ñucata piñac runa ñucata llaquichishca cacpica, llaquita apaimanllami carcani. Ñucata mana ricunayachic llaquichingapac jatarishca cacpica, miticuimanllami carcani.

ISAÍAS 19:3

Egiptopi causaccunapac yuyaita yanga ruhuashpami, paicuna parlanacushcatapish tucuchisha. Shina ruhuacpimi, paicunapac ruhuashcalla dioscunata, adivinocunata, huañushcacunata tapungapac ringacuna.

ISAÍAS 44:25

Yachaccuna ricuchishcatapish ñucami yangapi churani. Brujocunatapish ñucami muspachini. Yachac runacuna imata yachashcatapish ñucami huashaman cutichishpa, yangapi churani.

SAN JUAN 13:18

Mana tucui cancunamantachu nicuni. Maijanlla ñuca acllashca cashcataca yachanimi. Dios quillcachishcapi: “Ñucahuan micucucllatacmi ñucataca piñanga” nishca pactachunmi, chashnaca tucunga.

1 CORINTIOS 1:20

Shinaca, ¿maipitac chai yachaisapaca? ¿Maipitac chai yachachicca? ¿Maipitac cai pacha yachaimanta ricuchicca? Cai pachamanta yachaitaca Diosmi pucllaita shina ruhuashca.

SANTIAGO 3:15

Chai shina yachac canaca mana Diosmantachu shamun, ashtahuanpish cai pacha gentecuna yuyashcallamanta shinallatac diablomantami shamun.