2 SAMUEL 15:24 - Dios Rimashcata Quillcashcami

²⁴ Shinallatac chai ñantaca Sadocpish tucui levitacunandi Dios ari nishca quillcata huacaichina Arcata huandushcami rirca. Shina rishpami, tucui gentecuna Jerusalenmanta llucshingacaman pamballapi samachirca. Ña tucui gentecuna puebloman llucshishca quipami Abiatarpish llucshirca.

2 SAMUEL 15:24 ပူးပေါင်းရင်းမြစ်များ

2 SAMUEL 15:27

Shinallatac jatun mandacca Sadoc curataca: —¿Manachu canca Dios ricuchishcata huillac cangui? Mana manchashpa cancunapac churicunahuan puebloman cutichiclla. Cambac churi Ahimaaspish, Abiatarpac churi Jonatanpish richiclla.

2 SAMUEL 15:35

Sadoc curapish, Abiatar curapish chaipimi canga. Canca jatun mandac mandashpa tiyana huasipi imalla tucushcata yachashpaca, Sadoc shinallatac Abiatar curacunaman huillangui.

2 SAMUEL 20:25

Sevaca quillcacmi carca. Cutin Sadoc shinallatac Abiatarca curacunami carca.

2 SAMUEL 6:13

Davidca Diospac Arcata huanduccuna sucta saruita ricpimi shuc huagrata, huira ovejata huañuchirca.

2 SAMUEL 8:17

Ahitobpac churi Sadocpish, Abiatarpac churi Ahimelecpish curacunami carca. Seraiaspish quillcacmi carca.

1 REYES 1:8

Shina cacpipish, Sadoc curapish, Joiadapac churi Benaiaspish, Dios ima nishcata huillac Natán, Simei, Rei shuti mandaccuna shinallatac Davidhuan cac tucui jatun mandaccunapish Adoniastaca mana catircacunachu.

1 REYES 2:26

Chai quipami Jatun mandacca Abiatar curataca: «Canca caimanta llucshishpa, Anatot pueblopi tiyac cambac cachun cushca allpaman ri. Canpish, huañunami cangui. Shina cacpipish, cantaca cunanca mana huañuchigrinichu. Canmi Diospac Arcata, ñuca taitapac ñaupapi apashpa purircangui. Shinallatac ñuca taita llaquita apacpipish, canpish llaquita aparcanguimi» nirca.

1 REYES 2:35

Chai quipami jatun mandac Salomonca Joabpac randi soldadocunata mandachunca Joyadapac churi Benaiasta churarca. Shinallatac Abiatar curapac randica, Sadoc curatami cura cachun churarca.

1 CRÓNICAS 15:2

Shina ruhuashpami Davidca: «Diospac Arcataca mana pipish apangachu, ashtahuanpish levitacunallami apanga. Mandac Diosmi paicunataca paipac Arcata apachunpish, tucui causaipi paita servichunpish acllashca» nirca.

EZEQUIEL 48:11

Sadocpac huahua huahua curacunaca israelcuna ñucata saquishpa ricpipish, ñucata servishpami catirca. Paicunaca mana levita curacuna shina pandarircachu.

NÚMEROS 4:15

Aarón paipac churicunahuan tucui ñucapaclla chicanyachishcacunata catashpa, shuc llactaman rigricpimi, Cohatpac churicunaca apangapac cuchuyanga. Shina apashpapish, ñucapaclla caccunataca mana tuparinachu can. Tuparishpaca huañungami. Caicunami Cohatpac churicuna ñucahuan tupana huasipi ruhuanaca can.

NÚMEROS 7:9

Ashtahuanpish Cohatpac churicunamanca imata mana curcachu, paicunaca Diospaclla chicanyachishcata huandushpami apaccuna carca.

JOSUÉ 3:3

israelcunataca: «Mandac Dios ari nishca quillcata huacaichina Arcata levita curacuna huandushpa ricpica, cancuna tiyacushcamanta catishpa ringuichic.

JOSUÉ 3:6

Quipata curacunata Josué rimashpaca: «Dios ari nishca quillcata huacaichina Arcata huandushpa, israelcunapac ñaupata richic» nirca. Shina nicpimi, Arcata huandushpa, israelcunapac ñaupata rircacuna.

JOSUÉ 6:4

Canchis curacunami oveja gachumanta ruhuashca canchis cornetata apashpa, Arca ñaupata ringa. Canchis punzha tucucpica, canchis cutin chai pueblota muyunguichic. Cutin curacunaca chai gachu cornetapimi tocangacuna.

JOSUÉ 6:6

Nunpac churi Josué curacunata cayashpaca: «Dios ari nishca quillcata huacaichina Arcata apaichic. Canchis curacunaca oveja gachucunamanta ruhuashca canchis cornetata apashpami, Arcata huanduccunapac ñaupata ringacuna» nirca.

1 SAMUEL 22:20

Ashtahuanpish Ahimelecpuramanta Ahitobpac churi Abiatarmi miticushpa Davidpacman rirca.

1 SAMUEL 4:11

Diospac Arcata quichushpami, Elipac churicuna, Ofnitapish, Fineastapish huañuchirca.