2 SAMUEL 15:21 - Dios Rimashcata Quillcashcami

²¹ Shina nicpimi Itaica: —¡Mandac Diosmantami nini! ¡Canta servic ñucaca maipi huañuna cacpipish, causana cacpipish, can jatun mandac-huanmi casha!— nirca.

2 SAMUEL 15:21 ပူးပေါင်းရင်းမြစ်များ

2 SAMUEL 15:22

Shina nicpimi, Davidca Itaitaca: —Shinashpaca ñucanchic-huan ringapac shamuilla— nirca. Shina nicpimi, geteopuramanta Itaica jatun mandac Davidhuan shinallatac tucui paihuan caccunahuan rirca.

2 REYES 2:2

Chaipimi Eliasca, Eliseotaca: —Ñucataca Mandac Diosmi Bet-el puebloman richun nin. Cunanca caipi saquirilla— nirca. Shina nicpimi Eliseoca: —¡Mandac Diospac shutipi, cambac shutipimi nini: Canllataca manatac saquishachu!— nirca. Chaimantami Bet-el puebloman ishcaita urai rircacuna.

2 REYES 2:4

Eliasca cutinmi Eliseotaca: —Ñucataca Mandac Diosmi Jericó puebloman richun nin. Cunanca caipi saquirilla— nirca. Shina nicpimi Eliseoca: —¡Mandac Diospac shutipi, cambac shutipimi nini: Chaimanca mana cachashachu!— nirca. Chaimantami Jericó puebloman ishcaita rircacuna.

2 REYES 2:6

Eliasca Eliseotaca: —Ñucataca Mandac Diosmi Jordán yacuman richun nin. Chaimanta cunanca, caipi saquirilla— nirca. Shina nicpimi Eliseoca: —¡Mandac Diospac shutipi, cambac shutipimi nini: Canllataca manatac saquishachu!— nirca. Chaimantami ishcaita rircacuna.

2 REYES 4:30

Shina nicpimi, chai huahuapac mamaca: —¡Mandac Diospac shutipi, cambac shutipimi nini: Cantaca manatac saquishpa rishachu!— nirca.

PROVERBIOS 17:17

Apanacuc runaca tucui causaipimi cuyan. Llaqui punzhacunapica shuc huauqui shinami can.

PROVERBIOS 18:24

Apanacuc runaca alli apanacuc cashcatami ricuchin. Alli apanacuccunaca quiquin huauquitapish yalli allimi.

HECHOS 11:23

Bernabé chaiman chayashpaca, Diosca yallita cuyashpa, quishpichishcata ricushpami cushicurca. Tucui criccunatami Apunchic Jesusllata tucui shunguhuan cazuchun rimarca.

HECHOS 21:13

Chashna jarcacpipish Pabloca: —¿Ima nishpatac chashna huacashpa, ñucata llaquichinguichic? Jerusalenpi huatashun nicucpipish, chaiman rishallami. Chaipi huañuchishun nicpipish, Apunchic Jesusmantaca huañushallami— nirca.

2 CORINTIOS 7:3

Mana cancunata llaquichingapacchu caicunataca nini. Ña nishca shinami, cancunata cuyashcamantaca causashpapish, huañushpapish cancunahuan pactami casha.

1 SAMUEL 20:3

Shina nicpimi Davidca: —Cambac taitaca canhuan ñucahuan alli apanacuctaca allimi yachan. Chaimantami: “Jonatán ama llaquirichunca mana huillasha” nishca canga. ¡Mandac Diospac shutipi, cambac shutipimi nini!: Ñuca huañuica ñuca ñaupallapimi— nirca.

1 SAMUEL 25:26

Cunanca ñuca mandaclla, ¡Mandac Diospac shutipi, cambac shutipi nini: Mana allita ruhuashcamanta cambac maquihuanllatac huañuchishpa yahuarta jichanamantaca Mandac Diosmi cantaca jarcashca! Canta piñaccunapish, ñuca mandacta llaquichisha niccunapish, Nabal shina llaquita apachun.