2 SAMUEL 14:7 - Dios Rimashcata Quillcashcami

⁷ Cunanca tucui familiacunami canta servic ñucataca piñai callarincuna. Ñucataca: “Paitapish chashnallatac huañuchingapac huauquita huañuchicta apamui. Pai imata japina cacpipish huañuchishunllami” nincuna. ¡Chashna ruhuashpaca shuc mecha japiricucta huañuchic shinami ñuca cusapac shutitapish, paipac huahua huahuacunatapish cai pachamanta chingachinata munancuna!— nirca.

2 SAMUEL 14:7 ပူးပေါင်းရင်းမြစ်များ

GÉNESIS 27:45

Can imata ruhuashcata cungarishpa, ña mana piña cacpica, canta caiman pushamuchun cachashallami. ¿Maitatac cancunataca shuc punzhallapi ishcaitatac chingachishayari?— nirca.

GÉNESIS 4:14

Cunanca, cai allpamanta llucchishpa cachacpica, cambac ñahuimanta caruyashpa, shuctac llactamanta shamushca shinami puricushalla. Shina puricucpica, pipish tupashpa huañuchingachari— nirca.

2 SAMUEL 12:17

Shina cacpimi, mandashpa tiyana huasipi causac yuyaccunaca jatarichingapac rirca. Ashtahuanpish paica mana pambamanta jatarisha nircachu. Shinallatac paicunahuanpish mana micusha nircachu.

2 SAMUEL 14:6

Canta servic ñucaca ishcai huahuacunatamari charircani. Shina cashpapish paicunaca piñanacushpami pambapi macanacushpa, pipish mana misacpi, shucca caishucta chugrichishpa huañuchishca.

2 SAMUEL 14:8

Shina nicpimi, jatun mandacca: —Cambac huasiman rilla. Ñami canta ama pingaichichun mandagrini— nirca.

NÚMEROS 35:19

Huañucpac maijan familiami chai huañuchic runataca maipipish tupashpaca huañuchinga.

SAN MATEO 21:38

Ashtahuanpish churi shamucucta chai chagrahuan saquiric runacuna ricushpaca “Paimi taita charishcataca japinga. Paipac randi ñucanchic japingapac huañuchishunchic” ninacurcami.

DEUTERONOMIO 25:6

Chai huarmi punta cari huahuata charicpica, huañuc huauquipac shutitami shutichina can. Shina shutichicpimi, israelcunapurapi paipac shutica mana chingaringa.