2 SAMUEL 14:33 - Dios Rimashcata Quillcashcami

³³ Chashna nishpa cachacpimi Joabca jatun mandacpacman rishpa tucui Absalón ima nishcata huillarca. Chaita huillacpimi, jatun mandacca Absalonta cayachirca. Shina cayachicpi, rishpaca pambacamanmi jatun mandacpac ñaupapi cumurirca. Jatun mandacpish Absalontaca muchashpami chasquirca.

2 SAMUEL 14:33 ပူးပေါင်းရင်းမြစ်များ

GÉNESIS 27:26

Chaimantami paipac taita Isaacca: —Cunanca huahualla, cuchuyashpa, muchai— nirca.

GÉNESIS 33:4

Ashtahuanpish Esauca callpa rishpami, cungapi ucllarishpa muchashpa, ishcaitac huacarca.

GÉNESIS 45:15

Joseca tucui huauquicunahuan ucllarishpami huacarca. Chai quipami, Josepac huauquicunaca paihuan parlarca.

2 SAMUEL 15:5

Maijan chayarishpa, paipac ñaupapi cumuriccunataca maquita chutashpami ucllarishpa muchac carca.

2 SAMUEL 19:39

Shinami tucui gentecunapish, jatun mandacpish Jordán yacuta pasarca. Quipataca jatun mandac Barzilaitapish muchashpa bendiciashpami, paipac huasiman cacharca.

1 REYES 1:53

Jatun mandac Salomonca Adoniasta altarmanta uricuchishpa pushamuchunmi cacharca. Pai chayamushpaca, jatun mandac Salomonpac ñaupapimi cumurirca. Chashna cumuricpimi, Salomonca: —Cambac huasiman rilla— nishpa cacharca.

SAN LUCAS 15:20

Chaimantami jatarishpa, paipac taitapacman cutirca. Ña cutimucucpica, paipac taitaca caruta shamucuctami ricurca. Chashna ricushpami, yallita llaquishpa, tupangapac llucshishpa, ucllarishpa mucharca.