2 SAMUEL 14:22 - Dios Rimashcata Quillcashcami

²² Chaimantami Joabca cazushcata ricuchingapac pambacaman cumurishpa bendiciashpa jatun mandactaca: —Jatun mandac ñuca amolla, cunanmi canta servic ñuca cambac ñaupapi alli cashcata yachani. Can jatun mandacca canta servic ñuca mañashcataca uyashcanguimi— nirca.

2 SAMUEL 14:22 ပူးပေါင်းရင်းမြစ်များ

GÉNESIS 47:7

Joseca paipac taita Jacobotapish Faraonman ricsichingapac pusharcami. Chashna ricsichicpimi, Jacoboca Faraonta bendiciarca.

GÉNESIS 6:8

Shina cacpipish, Noeca Mandac Diospac ñahuipica allimi ricurirca.

2 SAMUEL 14:21

Chashna nishcamantami jatun mandacca Joabta cayachishpaca: —Ari, allimi. Chaimanta rilla, Absalón huambrata cutichimugri— nirca.

2 SAMUEL 14:23

Chashna nishca quipa jatarishpaca, Gesur pueblomanta Jerusalenman Absalonta pushamungapac rircami.

2 SAMUEL 14:4

Shina nicpimi, Tecoa pueblomanta huarmica jatun mandacpacman rishpa, cazushcata ricuchingapac pambacaman cumurishpa, jatun mandactaca: —¡Jatun mandaclla, ñucata ayudaiyari!— nirca.

2 SAMUEL 19:39

Shinami tucui gentecunapish, jatun mandacpish Jordán yacuta pasarca. Quipataca jatun mandac Barzilaitapish muchashpa bendiciashpami, paipac huasiman cacharca.

NEHEMÍAS 11:2

Quiquin munaihuan Jerusalenpi causangapac saquiriccunataca israelcunami bendiciarca.

JOB 29:11

Pipish ñucamanta uyashpaca: “¡Allimi cangui!” nicmi carca. Ñucata ricuccunaca ñuca ima shina cashcatami huillaccuna carca.

JOB 31:20

Paicuna imahuan mana tapari pudicpi, ñuca ovejacunapac millmahuan catachishca jahua ñucata mana tucui shunguhuan pagui nishca cacpi,

PROVERBIOS 31:28

Paipac huahuacuna jatarishpaca: “Cushicui mamita” nincunami. Paipac cusaca:

RUT 2:2

Shuc punzhami Rutca Noemitaca: —Cosechana pambaman rishpa chalagringapac ñucata saqui. Maijanpac ñahuipi alli ricurishpaca paipac huashata catishpa pallacushallami— nirca. Shina nicpimi Noemica: —Ñuca huahualla rilla— nirca.

1 SAMUEL 20:3

Shina nicpimi Davidca: —Cambac taitaca canhuan ñucahuan alli apanacuctaca allimi yachan. Chaimantami: “Jonatán ama llaquirichunca mana huillasha” nishca canga. ¡Mandac Diospac shutipi, cambac shutipimi nini!: Ñuca huañuica ñuca ñaupallapimi— nirca.