2 SAMUEL 14:20 - Dios Rimashcata Quillcashcami

²⁰ Canta servic Joabca can llaquichigricucpi, ama llaquichichunmi caicunataca nichun cacharca. Shina cacpipish, can ñucata jatun Mandac Diospac ángel shinami cai pachapi tucui ima tucucushcataca yachangui— nirca.

2 SAMUEL 14:20 ပူးပေါင်းရင်းမြစ်များ

GÉNESIS 3:5

ima punzhami chai yuramanta micunguichic, chai punzhami ñahui pascaricpi, Dios shina tucunguichic, shinallatac allitapish, mana allitapish yachanguichicmi. Chaitaca Diosca yachanmi— nirca.

2 SAMUEL 14:17

Cunanca, canta servic ñucaca: “Can jatun mandac imatapish allita ñucaman ruhuachunmi munani. Ñucata jatun mandaclla, Diospac ángel shina allitapish, mana allitapish ricushpa allichicmi cangui. ¡Chashna cashcamanta can jatun mandactaca Diosllatac pushashca cachun!” nishami— nirca.

2 SAMUEL 18:13

Jatun mandacca tucuita yachanmi. Paita huañuchishpaca ñucallatacmi llaqui tucuiman carcani. Huañuchishcamanta ñucata llaquichigricpica, canpish mana misanguimanchu— nirca.

2 SAMUEL 19:27

Ashtahuanpish paimi canta servic ñucataca can jatun mandacpac ñaupapi llullashca. Ashtahuanpish jatun mandacca ángel shinami cangui. Shina cashcamanta cambac ima alli cana cashcata ruhuailla.

2 SAMUEL 19:28

Ñuca taitapac huasi ucupuraca tucuimi can jatun mandacpac ñaupapi huañuna carca. Shina cashpapish ñucata mana huañuchishpa, canta servic ñucataca cambac cayashcacunahuan micuchun mizapi churarcangui. Cunanca, can jatun mandacman imata ashtahuan mañanatapish mana pudinichu— nirca.

2 SAMUEL 5:23

Chaimanta David Mandac Diosta tapucpi paica: —Paicunahuanca ama macanacungapac llucshichu. Ashtahuanpish bálsamo yuracuna tiyac pushtupi muyushpa japigri.

PROVERBIOS 26:28

Llulla callu runaca llaquichishca runatami ashtahuan llaquichin. Crinallata llullashpa parlashcaca llaquipimi urmachin.

PROVERBIOS 29:5

Paihuan apanacuc runata alli nic runaca chai runa purina ñanpi tucllata churac shinami.

1 SAMUEL 29:9

Shina nicpimi, Aquisca Davidtaca: —Canca ñuca ñaupapica Diospac ángel shina, alli cactami ricuni. Ashtahuanpish filisteocunata mandaccunami: “Paica cai macanacuiman manatac ñucanchic-huan ringachu” nincuna.