2 SAMUEL 14:11 - Dios Rimashcata Quillcashcami

¹¹ Shina nicpimi, chai huarmica: —Jatun mandaclla, huañuchishpa yahuarta jichashcamanta huañuchiccuna ñuca huahuata ama llaquichishpa, huañuchichun Diosta mañanguiyari— nirca. Shina nicpimi, jatun mandacca: —¡Mandac Diospac shutipimi nini: Cambac huahuapac shuc acchallapish mana allpapi urmangachu!— nirca.

2 SAMUEL 14:11 ပူးပေါင်းရင်းမြစ်များ

GÉNESIS 14:22

Shina nicpimi, Abram Sodoma pueblota jatun mandactaca: —Can: “Ñucami cantaca chayucyachini” ama nichunmi, jahua pachatapish, cai pachatapish ruhuac Mandac Diosman

GÉNESIS 31:50

Ñuca ushicunata can llaquichicpipish, cazarashca jahua shuc-huan cazaracpipish, pi mana ricunchu. Chashna cacpipish, Mandac Diosca ñucanchic ishcaitatacmi ricucun— nirca.

2 SAMUEL 14:10

Shina nicpi, jatun mandacca: —Maijan canta piñactaca ñucapacman pushamunguilla. Cantaca mana ashtahuan llaquichingachu— nirca.

2 SAMUEL 14:12

Shina nicpipish chai huarmica: —Jatun mandaclla, canta servic ñucataca shuc cutinllahuan rimachun saquiyari— nirca. Shina nicpimi, jatun mandacca: —Rimailla— nirca.

2 SAMUEL 14:21

Chashna nishcamantami jatun mandacca Joabta cayachishpaca: —Ari, allimi. Chaimanta rilla, Absalón huambrata cutichimugri— nirca.

1 REYES 1:52

Shina huillacpimi Salomonca: —Pai allita ruhuac runa cacpica, paipac umamantaca shuc acchallapish mana urmangachu. Ashtahuanpish, pai ima mana allita ruhuashca ricuricpica, huañuchishcami canga— nirca.

JEREMÍAS 4:2

Mandac Dios ñucapac shutipi ari nishpaca, mana llullashpa cashcata nichic. Shina ruhuacpica, shuctac llactacunapi causaccunapish, ñucamantami bendiciashca canga. Ñucahuanmi cushicunga.

NÚMEROS 35:19

Huañucpac maijan familiami chai huañuchic runataca maipipish tupashpaca huañuchinga.

NÚMEROS 35:21

mana cashpaca piñanacushca cashcamanta maquihuan huactashpa huañuchicca huañuchic runa nishcami canga. Paipish huañuchishcami canga. Huañucpac maijan familiami chai huañuchic runataca maipipish tupashpa huañuchinga.

NÚMEROS 35:27

huañucpac familia llactamanta carupi puricucpi, tupashpa huañuchishpaca mana juchanchishcachu canga.

SAN MATEO 10:30

Cancunapac umapi mashna acchapish yupashcami.

HECHOS 27:34

Cancuna sinchi tucungapac micunami canguichic. Cancunamantaca shucllapish mana chingaringuichicchu. Shuc acchallapish mana chingaringachu— nirca.

1 SAMUEL 14:45

Shina nicpi, israelcunaca Saultaca: —¿Jonatanca macanacushpa israelcunata quishpichishca jahuachu huañugrin? ¡Chaitaca Dios ama munachun! ¡Mandac Diospac shutipimi nini: Paipac umamantaca shuc acchallapish mana allpapi urmangachu! Paica Mandac Dios ayudacpimi macanacuita misharca— nirca. Shinami Jonatanta mana huañuchishpa quishpichirca.

1 SAMUEL 20:42

Chai quipami Jonatanca Davidtaca: «Imatapish mana manchashpa rilla. Ñucanchicca ishcaitami Mandac Diospac ñaupapi: “Mandac Dios cantapish, ñucatapish, cambac huahuacunatapish, ñucapac huahuacunatapish huiñaita ricuchun” nishpami ari nircanchic» nirca. Shina nicpimi, Davidca jatarishpa rirca. Shinallatac Jonatanpish puebloman cutirca.

1 SAMUEL 28:10

Shina nicpimi Saulca: —¡Mandac Diospac shutipimi nini: Can caita ruhuashcamantaca ima llaquipish mana japingachu!— nishpa Mandac Diospac shutipi ari nirca.