2 SAMUEL 13:23 - Dios Rimashcata Quillcashcami

²³ Ishcai huata quipami Absalonta serviccunaca Efrainpac pueblo cuchulla Baal-hazor pambapi ovejacunata rutucurca. Chaipimi Absalonca tucui jatun mandacpac churicunata cayashpa jatun micuita ruhuarca.

2 SAMUEL 13:23 ပူးပေါင်းရင်းမြစ်များ

GÉNESIS 31:19

Labán ovejacunata rutungapac ricpimi, Raquelca paipac taitapac dioscunata shuhuarca.

2 SAMUEL 13:24

Chaipimi Absalonca jatun mandac Davidpacman rishpaca: —Canta servic ñucami ovejacunata rutuchicuni. Chaimanta can jatun mandacpish, can churashca mandacpish, canta serviccunapish ñuca huasiman shamuichic— nirca.

1 REYES 1:19

Paica huirayashca huagracunatapish, shuctac animalcunatapish, achca ovejacunatapish huañuchishpami, shuc jatun micunata ruhuashca. Chai micuimanmi can jatun mandacpac caishuc churicunatapish, Abiatar curatapish, soldadocunata mandac Joabtapish cayashca. Ashtahuanpish, canta servic Salomontaca mana cayashcachu

1 REYES 1:25

Cunanmi paica huirayashca huagracunata, shuctac animalcunata, achca ovejacunatapish huañuchishpa, jatun micuita ruhuangapac urai rishca. Chai micuimanmi can jatun mandacpac tucui caishuc churicunata, soldadocunata mandaccunata, shinallatac Abiatar curatapish cayashca. Riqui, paicunaca paipac ñaupapimi micushpa ubiashpaca: “¡Jatun mandac Adoniasca causacuchunlla!” nishpa caparicun.

1 REYES 1:9

Ashtahuanpish Adoniasca Rogel yacu ladopi tiyac Zohelet rumi quingrai ladopimi ovejacunata, huagracunata ashtahuan huira shuctac animalcunatapish, huañuchishpa jatun mandacpac churi paipac huauquicunata, jatun mandacta servic Judá gentecunatapish cayarca.

2 REYES 3:4

Moab llactata jatun mandac Mesaca achca animaltami charirca. Paica Israel llactata jatun mandac Acabmanca patsac huaranga maltón cari ovejacunata, patsac huaranga manarac rutushca ovejatami cuc carca.

2 CRÓNICAS 26:10

Chashnallatac torrecunataca shitashca pambapipish shayachircami. Achca animalcunata charishcamantami Sefela pambacunapipish, caishuc pambacunapipish achca jutcucunata allashpa yacuta llucchirca. Uziasca chagrata ruhuanata munac cashcamantami urcucunapipish, alli pucuc pambacunapipish uvas chagracunata, shuctac chagracunatapish achcata charirca.

NEHEMÍAS 11:33

Hazor, Ramá, Gitaim,

1 SAMUEL 25:2

Maón pueblopi causac shuc runami Carmel pueblopi shuc haciendata charirca. Paica chayucmi carca. Paica quimsa huaranga ovejata, shuc huaranga chivotami charirca. Chai runaca Carmel pueblopimi ovejacunata rutucurca.

1 SAMUEL 25:36

Shina nicpimi, Abigaíl huarmica Nabalpacman cutirca. Huasipica Nabalca jatun mandaccuna micuna shina jatun micuitami ruhuashca carca. Paipac shungupica yallita cushilla cashpami, yallita machashca carca. Shina cacpimi, Abigaíl huarmica cayandi punzhacaman imata mana huillarca.

1 SAMUEL 25:4

Davidca shitashca pambapi cashpami, Nabalca paipac ovejacunatami rutucun nishcata uyarca.

1 SAMUEL 25:7

Cantaca ovejata rutucuctami uyarcani. Cunanpish cambac ovejacunata michiccunaca ñucanchic-huanmi carca. Paicunataca ima llaquita mana ruhuashcanchicchu. Tucui punzhacuna Carmel pueblo ladopi michicucpica, paicunamanca imapish mana illarcachu.