2 SAMUEL 12:6 - Dios Rimashcata Quillcashcami

⁶ Shinallatac huaccha runata mana llaquishpa, paipac shuclla ovejata huañuchishcamantaca chuscu ovejatami cutichina can— nirca.

2 SAMUEL 12:6 ပူးပေါင်းရင်းမြစ်များ

NEHEMÍAS 5:11

Cunanca, paicunapac allpacunata, uvas chagracunata, olivos tarpushcacunata, huasicunataca cutichichic. Granota, vinota, aceiteta mañachishpa patsacmanta shucta interesta cobrashca cashpapish cutichichic— nircani.

ÉXODO 21:34

chai jutcu dueñomi chai animalmantaca mashna valishcata pagashpa, chai huañushca animaltaca japina can.

ÉXODO 22:1

Maijanpish huagrata, ovejata shuhuashpa huañuchic, mana cashpaca catucca shuc huagramantaca pichca huagratami cutichina can. Cutin shuc ovejamantaca chuscu ovejatami cutichina can.

PROVERBIOS 6:31

Ashtahuanpish shuhuacpi japi tucushpaca, canchis-huan yallitami cutichinga. Paipac huasipi charishcatapish tucuimi cunga.

LEVÍTICO 6:5

llullashpa ari nishpa mana cutichishcatapish cutichinami can. Chaicunataca juchata pichachun animalta Diosman cuna punzhapimi pichcahuan yallita cutichina can.

SAN LUCAS 19:8

Zaqueo jatarishpaca: —Apunchic Jesús, ñuca charishcacunamanta chaupitami huacchacunaman cugrini. Maijanmanta umashpa shuhuashcataca chuscu cutin yallihuanmi cutichigrini— nirca.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.