2 SAMUEL 12:31 - Dios Rimashcata Quillcashcami

³¹ Chai pueblopi puchushca gentecunataca fierro sierrahuan, fierro trillanahuan, fierro hachacunahuan trabajachunmi churarca. Shinallatac hornopi ladrillota ruhuachunpishmi churarca. Chashnallatacmi Amón llactapi causac tucui gentecunatapish trabajachirca. Chai quipami, Davidca tucui soldadocunahuan Jerusalenman cutirca.

2 SAMUEL 12:31 ပူးပေါင်းရင်းမြစ်များ

2 SAMUEL 8:2

Shinallatac moabitacunatapish atishpami, pambapi sirichishpa huascahuan medirca. Ishcai huasca jundata medicpica huañuchircami. Shuc huasca jundata medicpica, mana huañuchircachu. Moabitacunaca Davidta servic tucushpami, Davidman impuestota cushpa causarca.

1 CRÓNICAS 20:2

Chai quipaca, Rabá pueblota jatun mandacpac umamantami Davidca coronata japirca. Chai coronaca shuc talento curitami pezarca, shinallatac coronapica alaja rumicuna churashcami carca. Chai coronataca Davidmanmi churachircacuna. Shinallatac chai pueblopi ima tiyashcacunatapish quichushpami apamurca.

1 CRÓNICAS 20:3

Shinallatac chaipi cac gentecunataca llucchishpami, sierrahuan, trillana fierrohuan, hachahuan trabajachun churarca. Davidca Amón llacta tucui pueblocunapi causaccunatapish chashnallatacmi ruhuarca. Chai quipami tucui paipac soldadocunahuan Jerusalenman cutimurca.

JEREMÍAS 43:9

«Jatun rumicunata japishpa, Judá llacta runacunapac ñaupapi, Tafnes llacta Faraonpac huasiman yaicuna chimba lado, ladrillota ruhuana turupi pambai.

AMÓS 1:13

Mandac Diosca: «Amón llactapi causaccunataca, paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca allpata mirachingapacmi Galaad llactapi causac huicsayuc huarmicunataca huicsata tucyachirca.

AMÓS 1:14

Chaimantami Rabá llacta muyundi pircapica ninata churasha. Chai ninami jatun macanacui punzhapi, acapana huaira punzhapi mandashpa tiyana huasicunatapish tucui rupachinga.

AMÓS 1:3

Mandac Diosca: «Damascopi causaccunataca paicuna catipi quimsa cutin, chuscu cutin juchallishcamanta llaquichinataca manatac saquishachu. Paicunaca Galaad llactapi causaccunataca trillana fierrohuanmi llaquichirca.

HEBREOS 11:37

Cutin shuccunaca rumihuan shitashpa huañuchishcapish, shuccunaca serruchuhuan pitishpa huañuchishcapish, espadahuan huañuchishcapish carcami. Oveja cara, chivo cara churarishcami huacchayashpa, caiman chaiman manchaihuan llaquilla puricurcalla.

JOSUÉ 10:15

Chai quipaca Josueca israelcunandimi Gilgalpi cac carpa huasicunaman cutirca.