2 SAMUEL 12:25 - Dios Rimashcata Quillcashcami

²⁵ Diosmanta huillac Natanta Davidpacman cachashpa, chai huahuataca Jedidiasta shutichirca. Mandac Diosta cazushcamantami chaita shutichirca.

2 SAMUEL 12:25 ပူးပေါင်းရင်းမြစ်များ

2 SAMUEL 12:24

Chaimanta rishpaca, Davidca paipac huarmi Betsabeta cushichingapacmi rirca. Chashna cushichishpa, paipi chayaricpimi, Betsabeca huicsayuc tucushpa, shuc cari huahuata charirca. Chai huahuataca Salomontami shutichirca. Chai huahuata Mandac Diosca cuyashpami,

2 SAMUEL 12:26

Joabca Rabá pueblopi causac amonitacunahuan macanacushpami, jatun mandac causana pueblota quichurca.

2 SAMUEL 7:4

Mandac Dios chai tuta Natanta cayashpaca:

1 REYES 1:11

Shina cacpimi, Natanca Salomonpac mama Betsabetaca: —Ñucanchic amo David mana yachacpi, Haguit huarmipac cari huahua Adonías mandacuctaca, ¿manachu yachangui?

1 REYES 1:23

Pai ña chayamucpica: «Riqui, Dios ima nishcata huillac Natanmi shamushca» nishpami, jatun mandacman huillarcacuna. Pai yaicushpaca, jatun mandacpac ñaupapimi allpacaman,

1 REYES 1:8

Shina cacpipish, Sadoc curapish, Joiadapac churi Benaiaspish, Dios ima nishcata huillac Natán, Simei, Rei shuti mandaccuna shinallatac Davidhuan cac tucui jatun mandaccunapish Adoniastaca mana catircacunachu.

1 REYES 4:5

Natanpac churi Azariasca llactacunapi churashca mandaccunata mandacmi carca. Natanpac churi Zabudca jatun mandacta cunac paipac alli ricsishcami carca.

1 CRÓNICAS 22:9

Riqui, canca shuc churitami charingui. Paica sumacta causac runami canga. Shinallatac muyundi llactacunapi causac tucui paita piñaccunamantapish huacaichishami. Paipac shutica Salomonmi canga. Pai causacui punzhacunapica sumac cushi causaita israelcunaman cushpami samachisha.

1 CRÓNICAS 3:5

Amielpac ushi Bet-súa huarmipi charishca chuscu churicunaca: Simea, Sobab, Natán, Salomonmi carca.

NEHEMÍAS 13:26

Israel llactata jatun mandac Salomonca ¿Manachu chaillamantatac juchallirca? Paica shuctac llacta jatun mandaccunata atishpa ashtahuan alli mandacmi carca. Diosca cuyashpami, tucui israelcunata mandac cachun churarca. Chashna cacpipish, shuctac llacta huarmicunami paitaca juchata ruhuachirca.

SAN MATEO 17:5

Pedro rimacucpillatacmi, yuranlla puyu paicunata taparca. Chai puyu ucumanta rimashpaca: «Caimi ñuca cuyashca Churi. Paimi ñucataca cushichin. Paita uyanguichic» nirca.

SAN MATEO 3:17

Jahua pachamanta rimashpaca: «Caimi ñuca cuyashca Churica. Paillami ñucataca cushichin» nishcami uyarirca.

DEUTERONOMIO 33:12

Benjaminmanta nishpaca: «Mandac Diosca paita cuyanmi. Paipac ladopimi mana manchashpa causanga. Paipac rigra ucupimi cuidashpa charinga» nirca.