2 SAMUEL 12:20 - Dios Rimashcata Quillcashcami

²⁰ Chaita uyashpami, Davidca pambamanta jatarishpa, armarishpa aceitehuan cahuirishpa, shuctac churanata churarishpa, Mandac Diospac huasiman yaicushpa, Mandac Diosta alli nirca. Chai quipaca paipac huasiman rishpami, micunata mañashpa micurca.

2 SAMUEL 12:20 ပူးပေါင်းရင်းမြစ်များ

2 SAMUEL 12:19

Ashtahuanpish Davidca paita serviccuna paicunapura mancharinacucucta ricushpami, paipac huahua huañushca cashcata yuyarca. Shina yuyashpami, Davidca paita serviccunataca: —¿Huahuaca ñachu huañun?— nishpa tapurca. Shina nicpimi paicunaca: —Ari, ña huañunmi— nirca.

2 SAMUEL 12:21

Chaipimi paita serviccunaca: —¿Imatatac ruhuacungui? Huahua causacucpica, ayunashpa huacacurcanguimi. Cunan ña huañucpica, jatarishpa micunguimi— nirca.

2 SAMUEL 14:2

Chaimantami Joabca Tecoa pueblomanta shuc yachac huarmita pushamuchun cacharca. Chai huarmitaca: «Canca maijan huañushcamanta duelo churanata churarishpa, llaquilla tucushpa, jatun mandacpacman ri. Mishquilla ashnacuc-huanpish mana cahuirishpa, achca huatacunata maijan huañushcamanta duelo churanata churashca shinalla ricurigri.

2 SAMUEL 19:24

Shinallatac Saulpac churi Mefi-bosetpish jatun mandacta tupangapacmi urai shamurca. Paica jatun mandac llucshishpa rishca punzhamanta pachami chaquitapish mana jahuashpa, barbastapish mana pitishpa, paipac churanatapish mana tacshashpa cutimungacaman chashna carca.

2 SAMUEL 6:17

Chashna apamushpami, Mandac Diospac Arcataca David ruhuashca shuc carpa huasipi churana pushtupi churarca. Chai quipaca, Davidca Mandac Diosman animalcunata cushpami tucui rupachirca. Shinallatac Dios-huan alli tucungapacpish animalcunatami curca.

2 SAMUEL 7:18

Chashna huillacpi, David Mandac Diospac ñaupaman yaicushpaca: «Mandac Dioslla, ñucapish, ñuca huasi ucupurapish, ¿ima cacpitac caiman cayachircangui?

JOB 1:20

Chaicunata uyashpami, Jobca jatarishpa paipac jahualla churanata lliquirishpa, uma acchatapish pitishpa pambacaman cumurishpa Diosta alli nirca.

JOB 2:10

Shina nicpimi Jobca: —¡Canca maijan yuyai illac huarmi shinami rimaringui! Diosmantami allicunata japishcanchic. ¿Manachu ima llaquicunatapish japina canchic?— nirca. Chai tucui llaquicuna japicpipish, Jobca paipac shimihuan millaita rimashpaca mana juchallircachu.

SALMOS 103:1

Ñuca almalla, Mandac Diostaca alli niyari. Paipac jucha illac shutitaca tucui shunguhuan alli niyari.

SALMOS 103:8

Mandac Diosca cuyac shungupish, yallita llaquicpish, shinallatac mana utca piñaricpish, yallita cuyacpish canmi.

SALMOS 39:9

Canllatac ñucata llaquichishcamantami mana rimashpa upalla saquirini.

SALMOS 95:6

¡Paita jatunyachishpa, paipac ñaupapi cumuringapac shamuichic! Ñucanchicta ruhuac Mandac Diospac ñaupapi cungurishunchic.

PROVERBIOS 3:7

Ama canllatac yachaisapa cashcata yuyanguichu. Ashtahuanpish Mandac Diosta manchashpa, mana allimanta anchuringui.

ECLESIASTÉS 9:8

Punzhanta yuranlla churanata churaringui. Cambac umapipish mishquilla ashnacucca ama illachun.

SAN MATEO 6:17

Ashtahuanpish cancuna ayunashpaca, ñahuita jahuarichic, umatapish llambucllata ñaccharichic.

SAN LUCAS 7:46

Mana ñuca umapi aceiteta churarcanguichu, ashtahuanpish cai huarmica mishquilla ashnacuctami ñuca chaquipica churan.

RUT 3:3

Armarishpa mishquilla ashnacuc-huan cahuirishpa alli churanacunata churarishpa trillana pambaman ringui. Ashtahuanpish pai micungacaman, tucui ubiangacaman paipac ñaupapica ama ricuringuichu.

1 SAMUEL 15:25

Mandac Diosta alli nishpa mañangapac ñucahuan cutishun— nirca.

1 SAMUEL 15:31

Shina nicpimi, Samuelca Saulta catishpa cutirca. Saulca Mandac Diosta alli nircami.