2 SAMUEL 12:15 - Dios Rimashcata Quillcashcami

¹⁵ Chai quipaca, Natanca huasiman cutircallami. Mandac Diosca Uriaspac huarmipi David charishca huahuataca yallitami unguchirca.

2 SAMUEL 12:15 ပူးပေါင်းရင်းမြစ်များ

2 SAMUEL 12:14

Ashtahuanpish can chashna mana allita ruhuashpaca, Mandac Diostami paita piñaccunaman rimachishcangui. Chaimanta can, cai huarmipi charishca huahuaca huañungatacmi— nirca.

2 SAMUEL 12:16

Chaimantami Davidca huahuamanta Diosta mañarca. Chashnami ayunashpa, ucuman yaicushpa, Mandac Diosta mañashpa tucui tuta pambapi pacarirca.

2 REYES 15:5

Mandac Dios jatun mandacta llaquichicpimi, paica huañuna punzhacaman lepra ungüihuan huasipi chicanyachishca causarca. Mandana huasipica jatun mandacpac churi Jotammi gentecunata mandacurca.

2 CRÓNICAS 13:20

Jeroboamca Abías mandacui punzhacunapica pai mandacushcata cutin japishpa mandanataca mana pudircachu. Quipataca Mandac Dios llaquichicpimi, Jeroboamca huañurca.

SALMOS 104:29

Can mana micunata caracpica imata mana micui pudincunachu. Can samaita quichucpica ña mana causancunachu. Chashnami allpaman cutincuna.

HECHOS 12:23

Herodes “Dios shinami cani” nishpa, Mandac Diosta mana jatunyachishcamantami chai rato ángel ungüita cachashpa huañuchirca. Chashnami curucuna micushca tucurirca.

DEUTERONOMIO 32:39

Ñucaca shuclla Diosmi cani. Shuctac Diosca mana tiyanchu. Ñucaca huiñaita causac Diosmi cani. Chugrichicpish, allichicpishmi cani. Ñuca maquimantaca pi mana quichungachu.

1 SAMUEL 25:38

Chaimanta chunga punzha quipaca, Mandac Diosllatac anchayachicpimi, Nabalca huañurca.

1 SAMUEL 26:10

Shinallatac Davidca: —¡Mandac Diospac shutipimi nini: Mandac Diosllatacmi paitaca llaquichinga, mana cashpaca paipac huañuna punzhami chayanga, mana cashpaca jatun macanacuipimi chingaringa!