2 SAMUEL 12:13 - Dios Rimashcata Quillcashcami

¹³ Shina nicpimi, Davidca Natantaca: —Chashna juchallishpaca, Mandac Diosta piñachishcanimi— nirca. Shina nicpimi, Natanca: —Mandac Diospish cambac juchata perdonashcami. Chaimanta mana huañunguichu.

2 SAMUEL 12:13 ပူးပေါင်းရင်းမြစ်များ

GÉNESIS 39:9

Cai huasipica ñucata yalli ricucca pi mana tiyanchu. Imata mana misashpa, ricuchun cushpapish, cantaca mana curcachu. Canca ñuca amopac huarmimi cangui. Chashna cashcamantaca, ¿maitatac millaita ruhuashpa, ñuca Diosta llaquichishpa juchallishayari?— nirca.

2 SAMUEL 24:10

Chai gentecunata David yupachishpaca, mana allita ruhuashcatami paipac shungupimi sintirca. Chaimantami Davidca Mandac Diostaca: —Caita ruhuashpaca yallitami juchallishcani. Caitaca yuyai illac shinami ruhuashcani. Cunanca, Mandac Diosllatac canta servic ñucamanta cai juchata anchuchiyari— nirca.

2 SAMUEL 24:17

Ángel gentecunata llaquichishpa tucuchicucta David ricushpami Mandac Diostaca: —Riqui, ñucaca juchallishcanimi, ñucami mana allita ruhuacca cani. Cai yangalla gentecunaca ¿Imatatac ruhuashcayari? Llaquichina cacpica Ñucata shinallatac ñuca huasi ucupurata llaquichiyari— nirca.

1 REYES 13:4

Bet-el pueblopi cac altarta Dios urmachinata Diospaclla runa huillashcata uyashpami, jatun mandac Jeroboamca chai altarmanta maquita chutashpaca: «¡Chai runata japichic!» nirca. Ashtahuanpish Diospaclla cac runata chutashpa ricuchishca maquica chaquircami. Shina chaquicpimi, maquitaca ña mana tandai pudirca.

1 REYES 21:20

Acabca Eliasta ricushpaca: —Ñucahuan mana alli cac runami caipi tupangapac shamushcangui— nirca. Shina nicpimi Eliasca: —Canllatac caturic shina, Mandac Diospac ñaupapi mana allita ruhuashcamantami canhuan tupangapac shamuni.

1 REYES 22:8

Shina nicpi, Israel llactata jatun mandacca Josafattaca: —Mandac Dios ima nishcata huillac shuc runaca tiyanracmi. Paica Imlapac churi Micaiasmi. Paica allitaca mana huillanchu ashtahuanpish mana allitami huillan. Chaimantami paitaca mana ricunayan— nirca. Shina nicpimi Josafatca: —Jatun mandac, ama chashna nichu— nirca.

2 REYES 1:9

Chai quipami Ocoziasca pichca chunga soldadocunata paicunata mandac-huan Eliaspacman cacharca. Paicuna chayacpica, Eliasca urcu jahuapimi tiyacushca carca. Chaipimi soldadocunata mandacca: —Diospac runalla, jatun mandacca: “Canta urai shamuchun” ninmi— nirca.

1 CRÓNICAS 21:8

Chaipimi Davidca Mandac Diostaca: —Caita ruhuashpaca, jatun juchatami ruhuashcani. Canta servic ñucamantaca juchata anchuchiyari. Shuc juizhu illac shinami ruhuashcani— nirca.

2 CRÓNICAS 16:10

Shina nicpimi, Asaca yallita piñarishpa, Dios ricuchishcata huillactaca carcelpi churarca. Chai huatacunapica yallitami Judá llactapi causaccunataca llaquichirca.

2 CRÓNICAS 25:16

Dios ima nishcata huillac shina nicpica, jatun mandacca: —Jatun mandacman alli yuyaita cuchunca, ¿pitac cantaca churarcayari? Canta ama huañuchichunca upalla cai— nirca. Shina nicpimi, cutinllatac Dios ima nishcata huillac runaca: —Alli yuyaita ñuca cushcata mana uyashpa mana allita ruhuashcamantami, Mandac Diosca canta tucuchinata yuyarirca— nirca.

JOB 33:27

Runaca tucuipac ñaupapi cantashpaca: “Ñucaca juchatami ruhuashcani, allita ruhuanapac randica mana allitami ruhuashcani. Shina cacpipish, ñuca japina cashcataca mana japishcanichu” ninmanmi.

SALMOS 103:12

Inti llucshinamanta inti tigranaca carupimi. Juchacunata ñucanchicmanta anchuchishpaca chashnami caruyachirca.

SALMOS 51:16

Animalta canman cushpa huañuchichunpish, animalta canman cushpa tucui rupachichunpish mana munanguichu.

SALMOS 51:4

Cantami yallita llaquichishcani. Can mana munashcatami ruhuashcani. Chaimanta juchanchinatacmi cani. Ñuca juchamanta llaquichicpica, imata mana ni pudinichu.

SALMOS 51:6

Canca imatapish cashcata nictami cuyangui. Pacallami ñuca shungupi allita yachachishcangui.

ÉXODO 9:27

Chaimantami Faraonca Moisestapish, Aarontapish cayachishpaca: —Cunanca, juchallishcanimi, ñucapish, ñucapac gentecunapish mana allitachu ruhuashcanchic. Mandac Diosca cashcata ruhuacmi.

PROVERBIOS 25:12

Imatapish uyaclla, yachaisapa runata jarcashpa rimac runaca curi zarcillo shina, ashtahuan alli curimanta ruhuashca sumac huallca shinami.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

ISAÍAS 38:17

Riqui, ñucapac allipacllatami chai llaquica japirca. Shina cacpipish, cuyashpami jutcupi ñuca ismugrinamanta quishpichircangui. Ñuca juchacunata huashaiman shitac shina, perdonashpami quishpichircangui.

ISAÍAS 43:24

Mishquillata ashnacuctapish ñucaman mana randircanguichu. Huiratapish mana ñucaman cushpa rupachircanguichicchu. Chaipac randica cancunapac juchacunatami ñucaman apachic shina cushpa llaquichircanguichic. Millaita ruhuashpa causashpami, ñucata shaicuchircangui.

ISAÍAS 44:22

Ñucata mana cazushpa, mana allita ruhuashcatapish, cancunapac juchacunatapish puyuta shinami anchuchircani. Ñucami cancunataca quishpichircani. Chaimanta ñucapacman cutimuichicyari» ninmi.

LAMENTACIONES 3:32

Llaquichishpapish pai yallita llaquic cashca shinallatacmi llaquin.

LEVÍTICO 20:10

Maijan shucpac huarmihuan huainayacpica, caritapish, huarmitapish huañuchishcami canga.

LEVÍTICO 24:17

Maijanpish huañuchictaca paitapish huañuchishca cachun.

ZACARÍAS 3:4

Chai angelca paipac ñaupapi shayacuccunata mandashpaca: «Chai mapa churanata llucchichic» nirca. Chai quipami Josuetaca: «Riqui, cambac juchacunata anchuchishpami sumac churanata churachini» nirca.

SAN MATEO 14:10

Juanpac umata pitimuchun carcelman cacharca.

SAN LUCAS 15:21

Paipac churica: “Taitito, Diostapish, cantapish piñachishpami, juchallishcani. Cunanca ña mana cambac churi shinachu cani” nirca.

SAN LUCAS 18:13

Ashtahuanpish impuestota japic runaca carupi shayashpami, mana huichailla ricushpa, shungupi huactarishpa: “Dioslla, ñucaca juchasapami cani. Ñucata llaquiyari” nicurca.

HECHOS 2:37

Chaipi caccunaca Pedro chashna huillacta uyashpami, shungupi llaquirirca. Chaimantami Pedrotapish, apostolcunatapish tapushpaca: —Huauquicuna, ¿imatatac ruhuashun?— nirca.

HEBREOS 9:26

Chashna ruhuana cacpica, Apunchic Jesusca cai pachata ruhuashca punzhamanta pacha, tauca cutinmi huañuna canman carca. Ashtahuanpish Apunchic Jesusca cunan punzhacunapica, shuc cutinllami tucui gentecunapac juchacunata anchuchingapac, pai quiquinllatac Diosman curishpa huañurca.

1 JUAN 1:7

Ashtahuanpish achic luzpi causacushpaca, caishuc chaishuc-huan shucllami canchic, shinallatac paipac Churi Jesucristopac yahuarca tucui juchacunatami pichan.

APOCALIPSIS 1:5

Cai pachapi tiyac jatun mandaccunata Mandac, huañushcacunapuramanta punta causaric, shinallatac Diosmanta allita huillac Jesucristo cancunaman sumac causaita cuchunmi munani. Ñucanchicta cuyac, paipac yahuarhuan juchacunamanta ñucanchicta pichac,

1 SAMUEL 15:20

Shina nicpimi, Saulca Samueltaca: —Ashtahuanpish Mandac Dios mandashpa imata ruhuachun nishcata pactachircanimi. Chaimantami amalecitacunata jatun mandac Agagtaca prezushpa amalecitacunataca tucui tucuchircani.

1 SAMUEL 15:30

Shina nicpimi Saulca: —Ñucaca juchatami ruhuashcani. Shina cacpipish, israelcunata pushac yuyaccunapac ñaupapish, israelcunapac ñaupapipish jatun mandac cashca shinallatac ñucata alli ningui. Canta Mandac Diosta alli nishpa mañangapac ñucahuan cutishun— nirca.