2 SAMUEL 12:12 - Dios Rimashcata Quillcashcami

¹² Canca pacallami chashna ruhuarcangui. Ashtahuanpish, ñucaca tucui israelcuna ricucucpi, achic punzhapimi chashna ruhuachun saquisha” ninmi— nirca.

2 SAMUEL 12:12 ပူးပေါင်းရင်းမြစ်များ

2 SAMUEL 16:22

Chashna nishpami, Absalonmanca mandashpa tiyana huasi jahuapi shuc uchilla carpa huasita shayachirca. Chaipimi Absalonca tucui israelcuna ricucucpi, paipac taita Davidpac caishuc huarmicunapi chayarirca.

JOB 31:10

ñuca huarmipish shuc carihuan cachunlla. Shuctac caricunapish paihuan chayarichunlla.

JOB 34:22

Mana allita ruhuaccuna miticuchunca amsa puyupish, amsa tutapish mana tiyanchu.

ECLESIASTÉS 12:14

Chaica Diosmi ñucanchic tucui ima ruhuashcataca ricunga. Imata pacalla ruhuashcatapish alli cachun mana alli cachunpish ricuchingami.

1 CORINTIOS 4:5

Shina cacpica manarac juchanchina punzha chayamucpi, ama juchanchichicchu. Apunchic Jesús cutimunata shuyaichic. Paimi amsapi pacashcacunatapish, shungu imata yuyashcatapish achicpi shina ricuchinga. Shina ruhuacpimi, Diosca cada quiquin imata ruhuashcata ricushpa alli ninga.