2 SAMUEL 12:10 - Dios Rimashcata Quillcashcami

¹⁰ Cunanca ñuca nishcata mana uyashpa, heteopuramanta Uriaspac huarmita japishpa, millaita ruhuashcamantaca cambac huasi ucupurapica huañuica jaicapi mana illangachu” nirca.

2 SAMUEL 12:10 ပူးပေါင်းရင်းမြစ်များ

GÉNESIS 20:3

Ashtahuanpish Dios tuta muscuipi ricurishpami, jatun mandac Abimelectaca: «Riqui, chai huarmita apamushcamantaca huañugringuimi. Chai huarmica cusayucmi» nirca.

2 SAMUEL 18:33

Shina nicta jatun mandac uyashpaca yallita mancharishpami, chai puebloman yaicuna pungu jahua ucuman munai huacashpa rirca. Pai huacashpaca: «¡Ñuca huahua Absalonlla! ¡Ñuca huahua Absalonlla! ¡Can huañunapac randica ñuca huañushpachari alli caiman carcani! ¡Ñuca huahua Absalonlla, ñuca huahualla!» nishpami huacarca.

1 REYES 15:5

Davidca tucui paipac causaipimi alli ruhuashpa, ima mandashcacunatapish pactachishpa Mandac Diospac ñaupapi causarca. Paica heteopura Uriasta llaquichishpallami, Diostaca nanachirca.

PROVERBIOS 17:13

Maijan allita ruhuacpi, mana allita ruhuashpa cutichic runapac huasimantaca ima mana allica mana anchuringachu.

AMÓS 7:9

Isaacpac, israelcunapac dioscunata yuyarina altarcunaca tucuringami. Paicunapac dioscunapac huasicunaca shitashca pambami saquiringa. Jerobopac aillutaca espadahuanmi huañuchisha— nirca.

NÚMEROS 11:20

Ashtahuanpish quilla jundatami amirishpa millanayachingacaman micugringuichic. Cancunapac chaupipi causac Mandac Diosta mana valichishpami cancunaca: ‘¿Imamantatac Egiptomanta llucshimurcanchic?’ nishpa Mandac Diospac ñaupapi huacarcanguichic. Chaimantami cashna micugringuichic” ningui— nirca.

SAN MATEO 26:52

Chaimantami Jesusca: —Espadata maipi huacaichinallapitac huacaichi. Maijanpish espadahuan macanacucca, espadallapitacmi huañunga.

SAN MATEO 6:24

Maijanpish ishcai amotaca mana servi pudinchu. Chaica, shuc amotaca piñangami, caishuctaca cuyangami. Shuc amo mandashcataca cazungami, cutin caishuc amo mandashcataca mana cazungachu. Chashnami maijanpish charicyana yuyailla cashpaca, Diostaca mana servi pudinga.

ROMANOS 2:4

¿Dios cuyac cashcata, llaquic cashcataca yangalla cashcatachu yuyangui? ¿Dios llaquishpa, paiman cuti richun shuyacushcatapish yangapichu churangui?

1 TESALONICENSES 4:8

Chaimanta pipish cai yachachishcacunata mana chasquicca, mana runallatachu mana chasquin, ashtahuanpish paipac Espirituta cuc Diostami mana chasquin.

1 SAMUEL 2:30

Chaimantami israelcunata Mandac Diosca: “Cambac huasi ucupurapish, cambac taitacunapac huasi ucupurapish huiñaitami ñuca ñaupapi causangacuna” ninmi. Ashtahuanpish Mandac Diosca: “¡Manatac chashna cachun saquishachu! Ñucata alli niccunataca alli nishami, ñucata mana alli niccunataca mana alli nishachu.