2 SAMUEL 11:24 - Dios Rimashcata Quillcashcami

²⁴ Shina cacpipish, flechata cacharic runacunami pueblo jarcashca pirca jahuamanta flechata shitashpa jatun mandacta serviccunata huañuchirca. Shinallatac canta servic heteopuramanta Uriaspish huañurcami— nirca.

2 SAMUEL 11:24 ပူးပေါင်းရင်းမြစ်များ

2 SAMUEL 11:23

Chai huillac Davidman huillashpaca: —Chai pueblomanta macanacuc runacuna llucshishpami, ñucanchic-huan pambapi sinchita macanacurca. Shina cacpipish, ñucanchicmi paicunata atishpa, chai pueblo yaicunacaman catircanchic.

2 SAMUEL 11:25

Shina nicpimi, Davidca huillac runataca: —Joabtaca: “Ama yallita llaquirichu. Espadaca maijan cutinca caishuc ladota, maijan cutinca chaishuc ladotami tucuchin. Canca ashtahuan sinchita macanacushpa, chai pueblota tucuchilla” nircami. Shinallatac canpish, ashtahuan yuyaita cungui— nirca.

NÚMEROS 21:30

Cambac huahua huahuacunaca Hesbón llactamantaca Dibón llactacamanmi tucurirca. Nófa pueblomantaca Medeba llactacamanmi tucurirca» nishpa cantarca.

1 SAMUEL 26:6

Davidca heteopuramanta Ahimelectapish, Sarviapac cari huahua Joabpac huauqui Abisaitapish tapushpaca: —¿Saúl sueñucuc carpa huasicunaman pitac ñucahuan risha ninguichic?— nirca. Shina nicpimi Abisaica: —Ñuca canhuan urai risha— nirca.