2 SAMUEL 10:18 - Dios Rimashcata Quillcashcami

¹⁸ Ashtahuanpish, siriocunaca israelcunata manchashpami, miticushpa callparca. Chaipimi, Davidca carretapi ric canchis patsac soldadocunata, caballopi ric chuscu chunga huaranga soldadocunata huañuchirca. Chaillapitacmi Sirio soldadocunata mandac Sobapish chugrichicpi huañurca.

2 SAMUEL 10:18 ပူးပေါင်းရင်းမြစ်များ

2 SAMUEL 10:17

Chaita huillacpimi, Davidca tucui israelcunata pushashpa, Jordán yacuta pasashpa Helam puebloman chayarca. Chaipimi, siriocunaca Davidhuan macanacungapac allichirirca.

2 SAMUEL 8:4

Davidca chashna macanacushpa, huaranga canchis patsac caballopi montashca ric soldadocunata japishpa, cutin chaquillahuan ric soldadocunataca ishcai chunga huarangatami japirca. Carretacunata aisac caballocunataca chaquicunatami paquirca. Ashtahuanpish patsac carretacunata aisac caballocunallatami saquirca.

1 REYES 11:24

Rezonca Salomonhuan macanacungapacmi tauca runacunata tandachishpa, paicunata mandac tucurca. Soba llactapi causaccunata David huañuchishpa tucuchicpimi, Rezonca paipac runacunandi Damasco puebloman rishpa, chaipi causarca. Paitaca Damasco pueblopimi jatun mandac cachun churarca.

1 CRÓNICAS 19:18

Ashtahuanpish siriocunaca israelcunapac ñaupamanta miticushpa callparcacunami. Chashna callpacpimi, Davidca canchis huaranga carretapi ric soldadocunata, chuscu chunga huaranga chaquillahuan ric soldadocunata shinallatac soldadocunata mandac Sofactapish huañuchirca.

SALMOS 18:38

Urmachishpa ñutushpami chingachircani. Ñuca chaqui ucumantaca mana jatarircacunachu.

SALMOS 46:11

Tucuita Mandac Diosca ñucanchic-huanmi. Ñucanchic miticunaca taita Jacobopac Diosmi.

SALMOS 68:2

Paicunataca cushnita chingachic shina chingachichun. Diosta mana manchaccunaca huira ninapi nuyuc shinami chingaringacuna.

JUECES 4:2

Chaimantami Mandac Diosca Canaán llactata jatun mandac Jabinpac maquipi churarca. Paica Hazor pueblopimi mandacurca. Paipac macanacuc runacunata mandacca Sisarami carca. Paica Haroset-goim pueblopimi causarca.

JUECES 4:22

Barac Sisarata catishpa chayacpica, Jael huarmi llucshishpaca: —Shamui, can mashcacushca runata ricuchisha— nirca. Shina nicpi, Barac paihuan yaicushpaca Sisarataca umapi allpacaman ishtacashca huañushca siricuctami ricurca.

JUECES 5:26

Lluqui maquihuanca ishtacata alli maquihuanca carpinteropac mazota japishpami Sisarapac umapi ishtacashpa shuc ladoman pasachirca.