2 SAMUEL 10:17 - Dios Rimashcata Quillcashcami

¹⁷ Chaita huillacpimi, Davidca tucui israelcunata pushashpa, Jordán yacuta pasashpa Helam puebloman chayarca. Chaipimi, siriocunaca Davidhuan macanacungapac allichirirca.

2 SAMUEL 10:17 ပူးပေါင်းရင်းမြစ်များ

2 SAMUEL 10:16

Shina tandanacushpami, Hadad-ezerca Eufrates yacumanta chimba ladoman cac siriocunata pushachun cacharca. Paicunaca Hadad-ezerpac soldadocunata mandac Sobacta mandac cachun churashpami, Helam puebloman chayarca.

2 SAMUEL 10:18

Ashtahuanpish, siriocunaca israelcunata manchashpami, miticushpa callparca. Chaipimi, Davidca carretapi ric canchis patsac soldadocunata, caballopi ric chuscu chunga huaranga soldadocunata huañuchirca. Chaillapitacmi Sirio soldadocunata mandac Sobapish chugrichicpi huañurca.

1 CRÓNICAS 19:17

Chaita Davidman huillacpimi, tucui israelcunata tandachishpa, Jordán yacuta pasashpa paicunapacman chayashpa paicunahuan macanacuchun mandarca. Chashna David mandacpimi, paicunaca siriocunahuan macanacurca.