2 SAMUEL 1:21 - Dios Rimashcata Quillcashcami

²¹ Gilboa urcucunalla, cancunapac jahuapica, tamyapish, garuapish ama urmachun. Diosman cuna ofrendapish ama pucuchun. Chai urcupimi sinchi runacunapac, escudoca sarushca carca. Saulpac escudopish aceitehuan mana cahuishca shinami tucurca.

2 SAMUEL 1:21 ပူးပေါင်းရင်းမြစ်များ

1 CRÓNICAS 10:1

Filisteocuna israelcunahuan macanacushpa aticpimi, israelcunaca filisteocunapac ñaupamanta miticushpa callparca. Chashna rishpami Gilboa urcupi huañurcacuna.

1 CRÓNICAS 10:8

Cayandi punzha filisteocuna huañushcacunapac churanacunata llucchichingapac rishpami Saulpish, paipac quimsa churicunapish Gilboa urcupi huañushcata tarircacuna.

CANTARES 4:4

Cambac cungaca Davidpac macanacunata huacaichina torre shinami. Chaipica yallita sinchi soldadocunapac huaranga escudocunami huacaichishca tiyacun.

ISAÍAS 21:5

Mizapi mantelta churashpami, micushpa, ubiashpa tiyacun. ¡Soldadota mandaccuna jatarichic, escudocunata aceitehuan cahuichic!

ISAÍAS 5:6

Shitashca pambatami saquigrini. Mana pucuc ramacunatapish pi mana pitingachu, pi mana jallmangachu. Ashtahuanpish cashacuna, cardos yuracunallami jundanga. Chai chagra jahuapi tamyachichunpish mana puyuta cachashachu.

EZEQUIEL 31:15

Cutinllatac Mandac Diosca: Chai yura Seolman ri punzhami allpa ucupi tiyac yacutaca chaquichisha. Uchilla yacucunatapish, jatun yacucunatapish jarcashami. Líbano urcutapish pura tutahuanmi tapasha. Pambapi shayacuc yuracunapish chaquishpami urmanga.

JOEL 1:9

Mandac Diospac huasipica ofrendapish, tallina vinopish mana tiyanchu. Mandac Diosta servic curacunapish llaquillatami huacacun.

JOEL 2:14

Pai shamushpa, cancunata mana llaquichingapishchari. Cancunaman allicunata cungapishchari. Mandac Diosca ofrendata cuchun, tallina vinopish, grano granotapish cungapishchari.

JUECES 5:23

Mandac Diospac angelca: “¡Meroz pueblopi causaccunataca maldiciashca cachun!” nirca. Mandac Dios paipac sinchi runacunata macanacucucpi mana ayudangapac shamushcamanta “sinchita maldiciashca cachun” nirca.

1 SAMUEL 10:1

Chai quipami Samuelca pai charishca botellamanta aceiteta Saulpac umapi tallishpa muchashpaca: —Cantaca Mandac Diosmi pai acllashca israelcunata mandachun aceiteta tallishpa cahuirca.

1 SAMUEL 31:1

Filisteocunaca israelcunahuanmi macanacurca. Israelcunaca filisteocunapac ñaupamanta miticushpa callpacpimi, taucacunata Gilboa urcupi filisteocunaca huañuchirca.

1 SAMUEL 31:8

Chai cayandi punzha filisteocuna Gilboa urcupi huañushca israelcunapac churanata surcuchingapac rishpaca, Saulpish, paipac quimsa churicunapish Gilboa urcupi huañushca siricuctami tarircacuna.