2 SAMUEL 1:19 - Dios Rimashcata Quillcashcami

¹⁹ «¡Aij, sumaimana Israel-lla, cambac urcu jahuallapitacmi huañushca! ¡Ima shinachari cai sinchi runacunaca huañurca!

2 SAMUEL 1:19 ပူးပေါင်းရင်းမြစ်များ

2 SAMUEL 1:23

Saulpish, Jonatanpish yallitami cuyanacuccuna carca. Causaipipish, huañuipipish manatac chicanyarircacunachu. Paicunaca aguilatapish yalli callpaccunami carca. Leontapish yalli sinchicunami carca.

2 SAMUEL 1:25

¡Cai sinchi runacunaca llaquinayaitami macanacuipica huañushca! ¡Jonatanpish, paipac urcupimari huañushca!

2 SAMUEL 1:27

¡Sinchi runacunaca ima shinachari huañurca! ¡Ima shinachari sinchi runacunapac macanacunapish chingarirca!» nirca.

ISAÍAS 4:2

Chai huatacunapica Mandac Diospac retoñoca sumaimanami huiñanga. Chai llactapi pucushca granoca maijanlla saquirishca israelcunamanca sumac nishcapish, alli nishcapishmi canga.

ISAÍAS 53:2

Diosta servicca chaquishca allpapi shuc sapi retoñac shinami, paipac ñaupapi llucshinga. Paipac ñahuitaca ricurcanchicmi, shinapish mana cuyaipacchu carca. Mana sumac ñahuichu carca.

LAMENTACIONES 2:1

¡Mandac Dios yallita piñarishpami Siontaca amsayachirca! Sumac israelcunataca jahua pachamantami cai pachaman urmachirca. Pai piñarishca punzhapica paipac chaqui saruna Siontaca mana yuyarircachu.

LAMENTACIONES 5:16

Ñucanchic umamantaca coronapish urmarcami. ¡Aij, ñucanchiclla, juchallishcamantami cashna llaquipi canchic!

ZACARÍAS 11:10

Chaimantami ñuca tucui llactacunapi causaccunahuan ari nishcata paquingapac, chai Cuyai shuti taunata paquircani.

ZACARÍAS 11:7

Chaimantami randiccuna huañuchina ovejacuna shina, ovejacunata michicurcani. Michingapacca ishcai tauna caspitami japircani. Shuc taunataca Cuyai, caishuctaca Tandanacuitami shutichircani. Shinami chai ovejacunata michicurcani.

1 SAMUEL 31:8

Chai cayandi punzha filisteocuna Gilboa urcupi huañushca israelcunapac churanata surcuchingapac rishpaca, Saulpish, paipac quimsa churicunapish Gilboa urcupi huañushca siricuctami tarircacuna.