2 REYES 9:6 - Dios Rimashcata Quillcashcami

⁶ Shina nicpimi, Jehuca jatarishpa, ucuman yaicurca. Chai ucupimi chai moso aceitehuan umapi cahuishpaca: —Israelcunata Mandac Diosca: “Ñucami, cantaca ñuca acllashca israelcunata jatun mandac cachun aceitehuan cahuini.

2 REYES 9:6 ပူးပေါင်းရင်းမြစ်များ

1 REYES 1:34

Chaipimi Sadoc curapish, Dios ima nishcata huillac Natanpish Salomontaca israelcunata jatun mandac cachun aceitehuan cahuinga. Chai quipaca trompetapi tocachishpaca: “¡Jatun mandac Salomón causachun!” nishpa caparinguichic.

1 REYES 10:9

Canta Mandac Diosca alli nishca cachun. Paica canta alli nishpami, israelcunata mandashpa tiyarinapi churashca. Mandac Diosca israelcunata cuyashpami, cantaca jatun mandac cachun churarca. Tucuipac allita, imatapish cashcata ruhuashpa mandachunmi churarca» nirca.

1 REYES 14:7

Jeroboampacman cutishpa, israelcunata Mandac Diosca: “Ñucami cantaca israelcunapac chaupimanta acllashca israelcunata mandachun churarcani.

1 REYES 16:2

«Cantaca ñuto allpamanta jatarichishpami, ñuca acllashca israelcunata mandachun churarcani. Ashtahuanpish canca Jeroboam shinallatac juchata ruhuashpami ñuca acllashca israelcunatapish juchata ruhuachishcangui. Can ruhuashca juchacunahuanmi ñucataca yallita llaquichingui.

1 REYES 19:16

Nimsipac churi Jehutaca Israel llactata jatun mandac cachun, aceitehuan cahuingui. Shinallatac Abel-mehola pueblopi causac Safatpac churi Eliseotaca cambac randi ñuca ima nishcata huillac cachun aceitehuan cahuingui.

1 REYES 3:8

Canta servic ñucaca can acllashca gentecunapac chaupipimi cani. Paicunaca yupanatapish, mana pudipac shinallatac mashna cashcatapish mana yachaipac achca gentecunami can.

2 REYES 9:3

Chai quipaca gachupi cac aceiteta japishpa, paipac umapi cahuingui. Chashna cahuishpaca: “Mandac Diosca: ‘Ñucami cantaca Israel llactata jatun mandac cachun aceitehuan cahuini’ ninmi” ningui. Chai quipaca punguta pascashpa utca shamungui, ama shayaringuichu» nirca.

2 REYES 9:5

Chaiman chayacpica, soldadocunata mandaccunapurami tandanacushpa tiyacushca carca. Chaipi tiyacucpimi, Paica: —Mandaclla, canmanmi shuc huillanata charini— nirca. Shina nicpimi Jehuca: —Tucui ñucanchicmanta ¿maijanmantac huillasha ningui?— nirca. Shina nicpimi paica: —Mandaclla, canmanmi huillasha nini— nirca.

2 CRÓNICAS 22:7

Ocozías Joramta ricungapac rishpa, huañuna cashcataca Mandac Diosllatacmi munarca. Mandac Diosmi Nimsipac churi Jehutaca Acabpac huasi ucupurata huañuchichun, aceitehuan cahuishpa acllashca carca. Ocoziasca Jorampacman chayashpami, Jehuhuan tupangapac Joramllahuantac llucshirca.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

SALMOS 75:6

Jatun tucuna yuyaica inti llucshic ladomantapish, inti tigrana ladomantapish, shitashca pambamantapish mana shamunchu.

ISAÍAS 45:1

Mandac Diosmi Cirotaca aceitehuan cahuishpa mandac cachun churarca. Paitami alli lado maquimanta aisashpa, shuc llactapi causaccunata cumurichichun, jatun mandaccuna chumbillirishcata surcuchichun apamurca. Shinallatac paipac ñaupapi pungucuna pascashca saquirichunmi chashnaca apamurca. Mandac Diosca paitaca:

DANIEL 2:21

Canmi huatacunatapish, punzhacunatapish shuctaclayata ruhuangui. Canmi jatun mandaccunatapish churangui, shinallatac llucchingui. Alli yachaccunamanca alli yachaita, yuyaisapacunamanca alli yuyaitami cungui.

DANIEL 4:17

Angelcunaca cai pacha runacunapac llactataca jahua pacha Dios mandacushcata, chai mandanata pai piman cusha nishpaca cuclla cashcatapish, tucuimanta yalli yangalla runata mandanapi churac cashcata causaita chariccuna yachachunmi chashna mandashpa huillarca’ nirca.

DANIEL 4:32

Gentecunapuramanta llucchishpa cachacpimi, sacha animalcunahuan pacta causangui. Huagraman shinami quihuata caranga. Cai pacha mandaccunataca jahua pacha Dios mandacushcata, cai pacha mandanataca piman cusha nishpapish cuclla cashcata yachangacamanmi canchis huatata chashna causangui» nirca.

1 SAMUEL 10:1

Chai quipami Samuelca pai charishca botellamanta aceiteta Saulpac umapi tallishpa muchashpaca: —Cantaca Mandac Diosmi pai acllashca israelcunata mandachun aceiteta tallishpa cahuirca.

1 SAMUEL 2:7

Mandac Diosmi huacchatapish, charictapish ruhuan. Paimi yangallatapish, alli nishcatapish ruhuan.

1 SAMUEL 2:8

Imata mana charictapish ñuto allpamantami jatarichin. Imatapish mana charictaca mapa shitanamanta llucchishpami jatun nishcacunahuan tiyachin. Jatun mandaccunahuan tiyachingapacmi chashnaca ruhuan. Allpa callari sapitaca Mandac Diosmi ruhuarca. Chai callari jahuapimi, cai pachata churarca.