2 REYES 9:34 - Dios Rimashcata Quillcashcami

³⁴ Chai quipami Jehuca ucuman yaicurca. Ña micushca, ubiashca quipaca: —Chai mana allita ruhuac huarmita apashpa enterragrichic. Ima shina cashpapish jatun mandacpac ushimi— nirca.

2 REYES 9:34 ပူးပေါင်းရင်းမြစ်များ

1 REYES 16:31

Paica Nabatpac churi Jeroboam shinallatac juchacunata ruhuashpapish, ima juchata mana ruhuanichu nishpami yuyarca. Paica Sidón llactata jatun mandac Etbaalpac ushi Jezabelhuanmi cazararca. Ña cazarashpaca Baal diosta alli nishpa, servishpa causangapacmi rirca.

1 REYES 18:41

Chai quipami Eliasca Acabtaca: «Huichaiman rishpa micushpa, ubiashpa tiyacugri. Ñamari tamya huaj nishpa uyarimun» nirca.

1 REYES 21:25

Acab shinaca Mandac Diospac ñaupapi millaita ruhuacca pipish mana tiyarcachu. Paitaca paipac huarmimi millaita ruhuachicurca.

2 REYES 9:33

Paicunatami Jehuca: —¡Chai huarmita pambata shitaichic!— nirca. Shina nicpimi, paicunaca chai huarmita pambata shitarca. Chashna shitacpimi, chai huarmipac yahuarca ashaca huasi quingraipi, ashaca caballocunapi saltarca. Chaillapitacmi paitaca caballocuna sarurca.

2 REYES 9:35

Chai huarmita enterrangapac rishpaca, uma tulluhuan, chaquicunahuan, maqui tullullahuanmi tarircacuna.

ESTER 3:15

Jatun mandac mandacpimi, quillcata apaccunaca utca llucshirca. Chai mandashcataca llactata mandana Susa pueblopimi quillcarca. Chai quipami jatun mandac-huan, Amanhuanca ubiangapac tiyarirca. Ashtahuanpish Susa pueblopi causaccunaca yallitami mancharirca.

PROVERBIOS 10:7

Cashcata ruhuac runapac shutica yuyarishcami canga, ashtahuanpish Diosta mana manchaccunapac shutica ismuc shinami chingaringa.

ISAÍAS 65:15

Ñucata serviccunataca mushuc shutipimi cayasha. Ashtahuanpish cancunapac shutitaca shuctac runacunata maldiciangapacmi cayangacuna. Mandac Dios ñucami cancunataca huañuchisha.

AMÓS 6:4

Marfil camacunapimi sueñunguichic. Maltón cari ovejacunata, maltón huira animalcunatami micunguichic.

SAN MATEO 25:41

Lluqui maquiman caccunataca: “Millaicuna, caimanta anchurichic. Diabloman, paita servic angelcunaman allichishca, mana huañuc ninapimi shitashca canguichic.