2 REYES 9:32 - Dios Rimashcata Quillcashcami

³² Shina nicta Jehú uyashpa, ventanata huichai ricushpaca: —¿Pitac ñucahuan tandanacusha ninguichic?— nirca. Shina nicpimi, mandaccunapuramanta ishcai, quimsa paita chaparca.

2 REYES 9:32 ပူးပေါင်းရင်းမြစ်များ

2 REYES 9:31

Chashna chapacushpami, Jehú pueblo punguta yaicucucpica: —¿Canta mandacta huañuchic Zimrica allillachu?— nirca.

2 REYES 9:33

Paicunatami Jehuca: —¡Chai huarmita pambata shitaichic!— nirca. Shina nicpimi, paicunaca chai huarmita pambata shitarca. Chashna shitacpimi, chai huarmipac yahuarca ashaca huasi quingraipi, ashaca caballocunapi saltarca. Chaillapitacmi paitaca caballocuna sarurca.

2 REYES 9:7

Canta mandac Acabpac huasi ucupurataca canmi huañuchingui. Chashna ruhuashpami ñuca ima nishcata huillaccunata, tucui ñucata serviccunata huañuchishpa, yahuarta jichashcamantaca paicunatapish chashnallatac huañuchingui. Chai serviccunataca Jezabelmi huañuchichirca.

1 CRÓNICAS 12:18

Shina nicpimi, quimsa chunga sinchi runacunata mandac Amasai Diospac Espíritu paipacman shamucpica: «¡Isaipac churi David, cambacmi canchic. Cushi causaimi tiyanga! ¡Canpish, canta ayudaccunapish cushi causaitami charinguichic! ¡Cantaca cambac Diosmi ayudan!» nirca. Shina nicpimi, Davidca paicunata chasquishpa, soldadocunata mandaccunahuan churarca.

2 CRÓNICAS 11:12

Tucuimanmi tucui pueblocunapi escudocunatapish, lanzacunatapish curca. Chashna ruhuacpimi, Judapac, Benjaminpac llactacunaca pai mandashca causarcacuna.

ESTER 1:10

Ña canchis punzha tucucpimi, jatun mandac Asueroca vinota ubiashpa, shungupi yallita cushicuihuan cashpa, paipac ñaupapi servishpa causac eunuco runacunataca: Mehumanta, Biztata, Harbanata, Bigtata, Abagtata, Zetarta shinallatac Carcasta cayarca.

ESTER 2:15

Esterca Mardoqueopac tio Abihailpac ushimi carca. Mardoqueomi paipac ushita shina huiñachirca. Esterca jatun mandacpacman rina chayacpica, imata mana ruhuarcachu, ashtahuanpish jatun mandacpac huarmicunata cuidac Hegai eunuco mandashcallatacmi ruhuarca. Esterca tucui paita ricuccunapac ñaupapica tucuita atishpa allimi ricurirca.

ESTER 2:21

Chai punzhacunapi jatun mandacpac pungupi Mardoqueo tiyacushpami pungupi cuidac Bigtán, shinallatac Teres eunuco runacuna yallita piñarishpa, jatun mandac Asuerota huañuchingapac huashalla parlanacucta uyarca.

SALMOS 118:6

Mandac Diosca ñucahuanmi. Maijan ñucata llaquichinamantaca mana manchashachu.

SALMOS 94:16

Millaita ruhuaccunahuan shayaringapacca ¿pitac ñucataca ayudangayari? Mana allita ruhuaccunahuan shayaringapacca ¿pitac ñuca parte tucungayari?

ÉXODO 32:26

Chaimantami Moisesca carpa huasi yaicunapi shayarishpaca: —¿Maijancunallatac Mandac Diospac cagringuichic? Ñucahuan tandanacuichic— nirca. Shina nicpimi, Levipac churicunaca Moises-huan tandanacurca.

HECHOS 12:20

Mandac Herodesca Tiro pueblopi, Sidón pueblopi causaccunahuanmi yallita piñarirca. Chashna piñarishpami, chai llactapi causaccunaman ama imata catuchun mandarca. Chaimantami paicunaca shuc yuyailla tucushpa, Herodespac mayordomo Blastota Herodes-huan parlashpa cuchun mañarcacuna. Chai llactacunapi causaccunaca Herodespac llactamantami micunata randishpa causac carca. Chaimantami mana piñanacunata munarcacuna.