2 REYES 9:28 - Dios Rimashcata Quillcashcami

²⁸ Chaipi huañucpimi, paita serviccunaca Jerusalenman shuc carretapi aparca. Chaiman apashpami, paitaca paipac ñaupa taitacunata enterrashcapi Davidpac pueblopi enterrarca.

2 REYES 9:28 ပူးပေါင်းရင်းမြစ်များ

1 REYES 2:10

David huañushpa, paipac taitacunahuan tandanacucpica, paipac pueblollapitacmi enterrarca.

2 REYES 12:21

Paica paita servic Simeatpac churi Josacar, Somerpac churi Jozabad chugrichicpimi huañurca. Joastaca paipac ñaupa taitacunata enterrashca Davidpac pueblollapitacmi enterrarca. Paipac randica, paipac churi Amasiasmi mandarca.

2 REYES 23:20

Shinallatac lomacunapi tiyac altarcunapi, cac curacunatapish chai altar jahuallapitac huañuchishpami tullucunatapish chaillapitac rupachirca. Chai quipami Josiasca Jerusalenman cutimurca.

2 REYES 23:30

Chashna huañuchicpimi, paita serviccunaca Meguido pambamanta shuc carretapi Jerusalenman apashpa paita enterrana jutcullapitac enterrarca. Chai quipami Judá llactapi causaccunaca Josiaspac churi Joacazta paipac randi jatun mandac cachun aceitehuan cahuirca.

2 REYES 8:24

Joram huañushpa, paipac ñaupa taitacunahuan tandarigricpica, paipac taitacuna enterrashcapimi Davidpac pueblopi enterrarca. Paipac randica paipac churi Ocoziasmi mandai callarirca.

2 CRÓNICAS 22:9

Ocoziastaca Samaria pueblopi miticushpa tiyacucpimi, chaimanta Jehupacman apashpa huañuchirca. Paita enterrashpaca: «Tucui shunguhuan Mandac Diosta servic Josafatpac churimi carca» nircacuna. Ocoziaspac huasi ucupuramanta mandangapacca pi mana tiyarcachu.

2 CRÓNICAS 25:28

Paita huañuchishpaca caballocunapi Jerusalenman apamushpami, Davidpac pueblopi paipac ñaupa taitacunapac ladopi enterrarca.

2 CRÓNICAS 35:24

Shina nicpimi, paita serviccunaca chai carretamanta llucchishpa, caishuc carretapi churashpa Jerusalenman aparicpimi, paica chaipi huañurca. Paitaca, paipac ñaupa taitacunata enterrashca jutcu ladollapitacmi enterrarca. Josías huañushcamantaca Judá llactapi causaccunapish, Jerusalenpi causaccunapish yallitami huacarcacuna.