2 REYES 9:21 - Dios Rimashcata Quillcashcami

²¹ Shina nicpimi Joramca: —¡Ñuca carretata caballopi huatai!— nirca. Paipac carretata caballopi ña huatacpimi, Israel llactata jatun mandac Jorampish, Judá llactata jatun mandac Ocoziaspish paicunapac quiquin carretapi Jehuta tupangapac llucshirca. Chashna llucshishpami Jezreel pueblomanta Nabotpac pambapi tuparca.

2 REYES 9:21 ပူးပေါင်းရင်းမြစ်များ

1 REYES 20:14

Shina huillacpimi Acabca: —¿Pihuantac ñuca maquipi churagringui?— nirca. Shina nicpimi, chai huillac runaca: —Mandac Diosca: “Llactacunata mandaccunapac serviccunahuanmi cambac maquipi churagrini” ninmi— nirca. Shina nicpimi Acabca: —¿Macanacuitaca maijantac callarigrin?— nirca. Shina nicpimi paica: —Canmi callarina cangui— nirca.

2 CRÓNICAS 22:7

Ocozías Joramta ricungapac rishpa, huañuna cashcataca Mandac Diosllatacmi munarca. Mandac Diosmi Nimsipac churi Jehutaca Acabpac huasi ucupurata huañuchichun, aceitehuan cahuishpa acllashca carca. Ocoziasca Jorampacman chayashpami, Jehuhuan tupangapac Joramllahuantac llucshirca.

MIQUEAS 1:13

Laquis llactapi causaccunalla, carretacunata alli callpac caballocunapi huataichicyari. Cancunami, Sionpi causaccunataca juchata ruhuanata callarichircanguichic. Israel llactapi causaccunapish cancunamantami mana cazurca.

NÚMEROS 20:14

Cadesmantami Moisesca huillaccunata Edom llactata jatun mandacpacman cacharca. Paicunataca: «Cambac huauqui Israelca: “Ñucanchicta tucui llaquicuna japishcataca yachanguimi.