2 REYES 9:17 - Dios Rimashcata Quillcashcami

¹⁷ Jezreel torre jahuapi runa Jehú achca soldadocunahuan shamucucta ricushpaca: —¡Achca soldadocuna shamucuctami ricuni!— nirca. Shina nicpimi Joramca: —Caballopi ric shuc soldadota cayashpa: “¿Allipacchu shamucungui?” nishpa tapuchun cachai— nirca.

2 REYES 9:17 ပူးပေါင်းရင်းမြစ်များ

2 SAMUEL 13:34

Absalonca miticushpami rishca canga. Torre jahuapi chapac runa huichai rishpaca, jahua urcu lado ñanta achca gentecuna shamucuctami ricurca.

2 SAMUEL 18:24

Davidca pueblo yaicuna ishcai pungucuna chaupipimi tiyacurca. Torre jahuapi chapac runaca pungu jahuapi tiyac pataman huichicushpa, alzarishpami shuc runa pailla callpamucucta ricurca.

1 REYES 2:15

Shina nicpi, Adoniasca: —Canllatac yachanguimi. Llactata mandanaca ñucapacmi carca. Shinallatac tucui israelcunami paicunata mandac cachun, ñucata shuyarca. Shina cacpipish, llactata mandanataca Dios ñuca huauquiman cucpimi paipac saquirirca.

2 REYES 7:14

Shina nicpimi, ishcai carretata japishpa, caballocunapi aisachishpa cachashpaca: «Ima shina cacta allita ricunguichic» nirca.

2 REYES 9:11

Quipata Jehú paita mandacta serviccunapacman llucshicpi paicunaca: —¿Tucuichu alli? ¿Chai juizhu illacca imapactac cambacman shamushca?— nirca. Shina nicpi, Jehuca: —Chai runataca cancunallatac ricsinguichicmi. Pai imata nishcatapish yachanguichicmi— nirca.

2 REYES 9:16

Joram camapi ungushca cacpimi, Jehuca caballopi montashpa, Jezreel puebloman rirca. Shinallatac Judá llactata jatun mandac Ocoziaspishmi Joramta ricungapac shamushca carca.

2 REYES 9:18

Chashna cachacpi, caballopi ric soldadoca: —Jatun mandacca: “¿Allipacchu shamungui?” ninmi— nirca. Shina nicpimi Jehuca: —Canca ¿imapactac allipacchu shamungui ningui? ¡Ñucahuan tandanacungapac shamui!— nirca. Torre jahuapi chapac runaca: —¡Chai huillac runa paicunapacman chayashpaca mana cutimunchu!— nishpa huillarca.

2 REYES 9:19

Chaimantami shuctac soldadota caballopi montachishpa cacharca. Chai soldado chayashpaca: —Jatun mandacca: “¿Allipacchu shamungui?” ninmi— nirca. Shina nicpimi Jehuca: —Canca ¿imapactac allipacchu shamungui ningui? ¡Ñucahuan tandanacungapac shamui!— nirca.

ISAÍAS 56:10

Israelcunata chapac runacunami ñahui mana ricuccuna shina, imata mana yachaccuna can. Paicunaca mana ladranata pudic allcucuna shinami, upalla siricun. Sueñunallatami munancuna.

ISAÍAS 62:6

Jerusalenlla, cambac muyundi pircapica cuidaccunatami churarcani. Paicunaca tutai punzha mana upalla cangachu. ¡Mandac Diosta yuyarishpa causaccunaca manatac samaringuichicchu!

1 SAMUEL 16:4

Samuelca Mandac Dios mandashca shinami ruhuarca. Belén puebloman pai ña chayacpica, chai pueblopi causac pushac yuyaccunaca manchaihuanmi tupangapac llucshirca. Chashna llucshishpaca: —¿Canca cushi causaita huillangapacchu shamurcangui?— nishpa tapurca.

1 SAMUEL 17:22

Davidca pai imalla apashcacunata micunatapish, macanacunatapish cuidac runaman saquishpami soldadocunapacman callpashpa rishpa, paipac huauquicunataca: “¿Allillachu canguichic?” nirca.