2 REYES 9:15 - Dios Rimashcata Quillcashcami

¹⁵ Jatun mandac Joramca Jezreel puebloman chugrita jambiringapacmi cutimushca carca. Paitaca Siria llactata jatun mandac Hazaelhuan macanacucucpimi, siriocuna chugrichishca carca. Chaimantami Jehuca: «Cancuna ñucata jatun mandac cachun munashpaca, maijan cai pueblomanta pacalla Jezreel pueblopi huillagrichunca mana saquinachu canguichic» nirca.

2 REYES 9:15 ပူးပေါင်းရင်းမြစ်များ

2 REYES 8:28

Ocoziasca Acabpac churi Joramhuan tandanacushpami, Galaad llacta Ramot pueblopi Siria llactata jatun mandac Hazaelhuan macanacungapac rirca. Chai macanacuipimi siriocunaca Joramta chugrichirca.

2 REYES 8:29

Jatun mandac Joramca siriocunahuan macanacushpa, chugrichishcata jambiringapacmi Jezreel puebloman cutirca. Paitaca Siria llactata jatun mandac Hazaelhuan macanacungapac ricpimi, Ramot pueblopi chugrichishca carca. Acabpac churi Joram ungushca cacpimi, Judá llactata jatun mandac Jorampac churi Ocoziasca Jezreel pueblopi ricungapac rirca.

2 CRÓNICAS 22:6

Siria llactata jatun mandac Hazaelhuan Ramot pueblopi macanacucushpa, chugririshpami, Joramca Jezreel pueblopi jambiringapac rirca. Acabpac churi Joram Jezreel pueblopi huañunalla cacpimi, Judá llactata jatun mandac Jorampac churi Ocoziasca ricungapac rirca.

JOSUÉ 15:56

Jezreel, Jocdeam, Zanoa,