2 REYES 9:1 - Dios Rimashcata Quillcashcami

¹ Eliseoca Dios ima nishcata huillacpuramanta shucta cayashpami: «Allichirishpa, cai uchilla puñu aceiteta apashpa, Galaad llacta Ramot puebloman ri.

2 REYES 9:1 ပူးပေါင်းရင်းမြစ်များ

1 REYES 1:39

Sadoc curaca Dios-huan tupana huasiman yaicushpa, gachupi aceiteta tallishpa apashpami, Salomontaca aceitehuan cahuirca. Chai quipaca trompetapi tocashpaca: “¡Jatun mandac Salomón causachun!” nishpa, tucui caparirca.

1 REYES 18:46

Ashtahuanpish Eliasca Mandac Diosllata pushacpimi, alli chumbillirishpa, Acabta atishpa, Jezreel puebloman callpashpa chayarca.

1 REYES 19:16

Nimsipac churi Jehutaca Israel llactata jatun mandac cachun, aceitehuan cahuingui. Shinallatac Abel-mehola pueblopi causac Safatpac churi Eliseotaca cambac randi ñuca ima nishcata huillac cachun aceitehuan cahuingui.

1 REYES 20:35

Shina cacpimi, Dios ima nishcata huillaccunapuramanta shucca Diosllatac mandacpi caishuc huillactaca: —¡Ñucata huactai!— nirca. Ashtahuanpish chai huillacca mana huactanata munarcachu.

1 REYES 22:20

Chaipimi Mandac Diosca: Acab, Galaad llactapi cac Ramot pueblopi causaccunahuan macanacushpa, llaqui tucuchunca ¿Pitac umangapac risha ninguichic? nirca. Shina nicpimi, caishuc chaishuc, caita, chaita nircacuna.

1 REYES 22:4

Chashna nishpami Josafattaca: —¿Galaad llactapi cac Ramot pueblomanta macanacungapac ñucanchic-huan risha ninguichu?— nirca. Shina nicpimi, Josafatca Israel llactata jatun mandactaca: —Ñucapish, ñuca gentecunapish cambac maquipimi canchic. Ñuca caballocunapish cambacllatacmi— nirca.

2 REYES 2:15

Jordán yacu chimbapi tiyac Jericó pueblopimi, Dios ima nishcata huillaccunapac churicunaca shayacurca. Chaipimi paicunaca: «¡Eliaspac espirituca Eliseopimi causacun!» nirca. Shina nishpami, Eliseopacman rishpa, pambacaman cumurircacuna.

2 REYES 2:3

Chaiman chayacpimi, Dios ima nishcata huillaccuna Eliseota tupangapac llucshishpaca: —¿Mandac Dios canta mandacta quichushpa cunan apagricuctaca yachanguichu?— nirca. Shina nicpimi Eliseoca: —Ari, yachanimi, upalla cailla— nirca.

2 REYES 2:5

Chaiman chayacpimi, Dios ima nishcata huillaccuna Eliseota tupangapac llucshishpaca: —¿Mandac Dios canta mandacta quichushpa cunan apagricuctaca yachanguichu?— nirca. Shina nicpimi Eliseoca: —Ari, yachanimi, upalla cailla— nirca.

2 REYES 2:7

Chaiman chayashpaca, Jordán yacu ladopimi ishcaita shayarirca. Chaipi shayacucpimi, Dios ima nishcata huillaccunapac pichca chunga churicuna shamushpa, paicunamanta carupi shayarirca.

2 REYES 4:1

Dios ima nishcata huillacpuramanta shuc runapac churipac huarmimi Eliseotaca: —Canta servic ñuca cusaca huañushcami. Canta servic ñuca cusa Mandac Diosta servic cashcataca canllatac yachanguimi. Shina cacpipish, ñucanchicman cullquita mañachic runami, ñuca ishcai huahuacunata paita servic cachun apangapac shamushca— nirca.

2 REYES 4:29

Shina nicpi, Eliseoca paita servic Giezitaca: —Chumbillishpa ñuca taunata apashpa ri. Maijan tupacpipish, ama allillachu cangui ninguichu. Canta allillachu cangui nicpipish, upalla ringuilla. Ña huasiman chayashpaca, huahuapac ñahui jahuapi ñuca taunata churangui— nirca.

2 REYES 9:4

Shina nicpimi, Dios ima nishcata huillac mosoca Galaad llactapi cac Ramot puebloman rirca.

2 CRÓNICAS 22:1

Shuhuaccuna arabecunahuan carpa huasicunaman shamushpa, Jorampac punta churicunata tucui huañuchishcamantami Jerusalenpi causaccunaca Jorampac randica, paipac quipa churi Ocoziasta jatun mandac cachun churarca. Chaimantami Jorampac churi Ocozías, Judá llactata mandai callarirca.

2 CRÓNICAS 22:5

Ocoziasca chashna yuyaita cucpimi, Israel llactata jatun mandac Acabpac churi Joramhuan tandanacushpa, Siria llactata jatun mandac Hazaelhuan macanacungapac Galaad llacta Ramot puebloman rirca. Chaipica Siria llactamanta soldadocunami Joramta chugrirca.

JEREMÍAS 1:17

Canca alli chumbillirishpa, sinchita shayarishpa, ñuca imata mandashcata paicunaman huillangui. Paicunapac ñaupapi shayarinataca ama manchanguichu. Pacta canllatac paicuna manchachichun saquinguiman.

SAN MATEO 26:7

Jesús mizapi tiyacucpimi, shuc huarmica achca valishca mishquilla ashnacucta yurac rumi botellapi apamurca. Chaitami Jesuspac umapi tallirca.

DEUTERONOMIO 4:1

Cunanca israelcuna, ñaupa taitacunata Mandac Dios cushca llactaman yaicushpa causangapacca cai mandashcacunatapish, yachachishcacunatapish, imata ruhuachun yachachishcatapish alli uyaichic.

DEUTERONOMIO 4:3

Mandac Dios Baal-peor diosta mañaccunata imata ruhuashcataca quiquin ñahuihuanmi ricurcanguichic. Mandac Diosca Baal-peor diosta caticcunataca cancunapac chaupimi tucuchirca.

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Dios paipac sumaimana cuyaimanta ñucanchic japina cashcata cucpi japingapac cushicushpa shuyacuichic.

1 SAMUEL 10:1

Chai quipami Samuelca pai charishca botellamanta aceiteta Saulpac umapi tallishpa muchashpaca: —Cantaca Mandac Diosmi pai acllashca israelcunata mandachun aceiteta tallishpa cahuirca.

1 SAMUEL 16:1

Mandac Dios Samueltaca: —¿Saulmantaca ima horascamantac huacacugringui? Paitaca ñucami israelcunata jatun mandac cachun mana munarcani. Gachupi aceiteta jundachi. Ñucami Belén pueblopi causacuc Isaipacman cachagrini. Paipac churicunamantami shuctac jatun mandac cachun acllarcani— nirca.